Diyarname
Nirxa vê kompaniyê trîlyonek dolar derbas kir. Ev li dinyayê yekemîn e. Ev trîlyon dolar bi qasî hemû firotina Tirkiyeyê zêdetir e jî ku Tirikye salane ji tiştên hilberîne dike û difroşe dikare 750 mîlyar dolarî bi dest bixe... Belê em qala kompaniya Apple dikin.
Apple kompaniya herî mezin e di warê teknolojiyê de. Kompaniyeke ji DYA'yê ye. Û niha nirxa wê ya li piyaseyê gihîşt trîlyonek dolar. Bi vê bû yekemîn kompaniya teknolojiyê ku digihîje wê nirxê.
Bi vê Apple'ê navê xwe li dîrokê kir. Serê hîsseya wê jî gihîşt 207 dolarî. Vê serê sibê hîseyên Apple li DYA'yê bi 204 dolarî dihatin firotin lê êvarê gihîştin 207 dolarî. Bi vê Apple gihîşt trîlyon dolarek ku di nav teknolojiyê de tenê ew niha xwedî vê buhayê ye.
Berî Apple kompaniya bi navê PetroChina gihîştibû vê buhayê. Kompaniya neft û gava xwezayî PetroChina di sala 2007'an de wekî yekemîn kompaniya li cîhanê ku buhaya wê gihîştibû trîlyonek dolarî di nav dîrokê de cih girtibû. Lê ev buha ji bo PetroChina bixêr nehatibû û paşê qîmeta wê ketibû, dûre heta 200 mîlyar dolarî jî daketibû. Bi qeyrana Mortgage, têkçûna fînansa global û îflasa Lehman Brothers, her wiha ji ber hin sedemên din buhaya wê ketibû.
Berevajî PetroChina kompaniya Apple her ku diçe mezintir dibe. Kompanî par di navbera mehên avrêl-pûşperê de 45,41 mîlyar dolar bi dest xistibû, îsal di heman demê de sedî 17.3 kar zêde kiriye û gihîştiye 53,26 mîlyar dolarî.
Di heman demê de Apple gelek iPhone û iPad firotin. Vê demê iPhone 41 mîlyon û 300 hezar be, iPad jî 11 mîlyon û 553 hezar heb firotin ku di her duyan de jî li gor par sedî 0,6, 0,9 zêdebûn çêbûye. Beranberî vê di firotina Mac'an de sedî 14 daketin çêbûye.
Apple di Apple Tv, Apple Watch de jî hatineke gelek mezin bi dest xistiye.

***
REKLAM

Ji bo vexwendnameyan malpera ku hûn serî lê bidin: http://www.davetiyeonline.net/
Bi her zimanî em dikarin ji bo dawetên we vexwendnameyan amade bikin.