Diyarname

29’emîn Festîvala Fîlman a Navneteweyî ya Stenbolê bi merasima xelatdayînê bi dawî bû. Di merasimê de fîlmê “Min Dît” xelata Derhênerê Herî Serketî, Lîstikvana Herî Serketî û Muzîka Herî Serketî sê xelat girt.

29’emîn Festîvala Fîlman a Navneteweyî ya Stenbolê ku 3’yê mehê dest pê kiribû 18’ê mehê bi dawî dibe. Ji bo dawîlêanîna festîvalê 17’ê mehê li Qesra Pêşangehê ya Kongreya Navneteweyî ya Lutfi Kirdarê merasima bi dawîbûn û xelatdayînê hate li dar xistin.

Di şeva ku lîstikvan Mehmet Ali Alabora pêşkêşvaniya wê kir de Kardeş Turkuler bi stranên xwe “Çeşmi Siyanim” û “Kerwan” reng da şevê.

Şev bi vîdeo klîba sînemagerên ku di festîvalan de di Sînemaya Emekê de derketibûn ser dikê hat nîşandayîn. Li ser dikê jî “Em destûrê xirakirina Sînemaya Emekê nadin” hatibû nivîsandin, di nav temaşevanen de komek tameşevanî jî xirakirana Sînemaya Emekê şermezar kir.

Pêşî Xelata Serketina di Hemû Jiyanê de dan lîstikvan Klaus Maria Brandauer ku bi “Afrîkaya Min” bûbu berendama Oscarê. Brandauer xelata xwe ji destê Dîrektora Festîvalê Azize Tan girt.

Xelata Pêşbaziya Navneteweyî ya Laleya Zêrîn ku ji sala 1985’an ve tê dayîn îsal li ser navê Şakir Eczacibaşi hate dayîn. Civaka Eczacibaşi ji bo vê xelatê 25 hezar Euro xelata pereyan dide. Îsal di warê Pêşbaziya Navneteweyî de Xelata Laleya Zêrîn derhêner Feliks van Groeningen bi fîlmê xwe “Şeylerin Boktanligi/The Misfortunates” girt.

Xelata Laleya Zêrin a Filmê Herî Serketî yê Neteweyî” fîlmê derhêner Yagmur Taylan û Durul Taylan ê bi navê “Vavien” girt.

Di festîvalê de fîlmê derhênerê kurd Miraz Bezar bi navê “Min Dît” sê xelat bi hev re girt. Derhêner Bezar bi fîlmê xwe “Xelata Derhênerê Herî Serketî”, lîstikvana fîlm Şenay Orak “Xelata Lîstikvana Herî Serketî” û sazkarê muzîkê yê fîlm Mustafa Bîber jî “Xelata Muzîka Herî Serketî” girt.

Wezareta Çand û Turîzmê 50 hezar TL pere dide xelata Fîlmê Tirkiyeyê yê Herî Serketî û Derhênerê Herî Serketî.

Derhêner Semih Kaplanoglu ku di festîvalên berê de bi fîlmên xwe “Sut”, “Yumurta” Xelata Gel a Rojnameya Radikalê girtibû vê carê bi fîlmê xwe “Bal” jî heman xelat girt.

Pêşbaziya Navneteweyî ya Laleya Zêrîn

- Di warê navneteweyî de: “Şeylerin Boktanligi/The Misfortunates” (Derhêner: Feliks van Groeningen)

- Xelata Taybet a Juriyê: “Matmazel Chambon” (Der: Sandrine Kiberlan)

Pêşbaziya Neteweyî ya Laleya Zerîn:

- Fîlmê Herî Serketî: “Vavien” (Der: Yağmur Taylan û Durul Taylan

- Derhênerê Herî Serketî: Miraz Bezar (Bi fîlmê Min Dît)

- Lîsitkvana Herî Serketî: Şeray Orak (Bi rola di Min Dît de)

- Lîstikvanê Herî Serketî: Tansu Biçer (Bi rola di Beş Şehir de)

- Senaryoya Herî Serketî: Vavien / Engin Gunaydir

- Derhênerê Dîmenê yê Herî Serketî: Bariş Ozbiçer (Bal)

- Muzîka Herî Serketî: Mustafa Biber (Min Dît)

- Xelata Taybet a Juriyê: Bal (Semih Kaplanoglu)

Xelata Sînemayê ya Konseya Ewropayê "FACE"

-Xelata Fîlmê Herî Serketî: "Ajami" (derhêner Scandar Copti û Yaron Shani)

- Xelata Taybet a Juriyê: The Day God Walked Away" (Derhêner: Philippe van Leeuw)

- Di warê Navneteweyî de Xelata Fibresci: Matmazel Chambon "Derhêner Stephane Brize)

- Di warê Neteweyî de Xelata Fibresci ya Onat Kutlar: Vavien (Derhêner: Yagmur Taylan û Durul Taylan)

Xelata Gel a Radîkalê

- Di warê Navneteweyî de: Min Diya Xwe Kuşt (Derhêner: Xavier Dolan)

Di warê Neteweyî de: Bal (Semih Kaplanoglu)

***

Nûçeyên li ser 29'emîn Festîvala Fîlman a Navneteweyî ya Stenbole ên di Diyarnameyê de hatine weşandin:

- Mêvanên festîvalê derketin gera Bogazê

- "Seyîd" derket pêşberî temaşevanan

- Di festîvalê de rêwîtiya belgefîlmên kurdan

- “Seyîd” di Festîvala Stenbolê de tê nîşandayîn

- Dawiya vê hefteyê gotûbêj û dersên sînemayê hene

-Festîvala Fîlman a Stenbolê deriyê xwe vekir

- Bilêtên fîlmên festîvalê li benda we ne

- Li Stenbolê 200 fîlm li benda we ne