Li Iraqê di vê 7'ê adarê de wê hilbiartin pêk bê. Di hilbijartina Iraqê de li Kerkûkê bi tirkî jî afîş hatin daliqandin.

Li Tirkiyeyê nêzî 20 mîlyonî kurd dijîn lê di tu hilbijartinê de afîşên bi kurdî nayên daliqandin ji ber ku li gor Zagona Partiyên Siyasî bikaranîna zimanek ji bilî tirkî qedexe ye. Li Iraqê tenê çend sed hezar tirkmen hene lê di hilbijartinê de dikarin afîşên bi tirkî daleqînin û propagandaya bi tirkî bikin. Belê mînak ev e.

Ji bo vê hilbijartina niha li Kerkûkê ku têde tirkmen jî dijîn li kuçeyan bi tirkî afîş jî hatin daliqandin. Di afîşahn de bi tirkî wisa hatiye nivîsîn: "Ji bo pêşerojeke ronî di hilbijartina parlemenê ya Iraqê de rêya xwe bikar bîne."