Diyarname
Berendamên Serokomariyê xwediyê maf in ku di TRT'ê de du caran axaftina wan bê weşandin. Li ser vê yekê Lijneya Bilind a Hilbijartinê (YSK) biryar da ku dê çi bikin. Li gor vê dê hemû berendamên Serokomariyê her yek û her car 10 deqe, du caran di TRT'ê de biaxivin. Ji wan Berendamê HDP'ê Selahattin Demirtaş ji ber ku girtî ye yan dê kameramanê TRT'ê herin Girtîgeha Edîrneyê, wî bikişînin kamerayê û axaftina wî biweşînin; yan jî dê wî bînin studyoyên TRT'ê yên li Enqereyê û li wir bikîşinin kamerayê. Ji ber ku di vî warî de zagon zelal mafê dide berendaman rayedar nikarin bi paş ve gav biavêjin û cih nedin Demirtaş. Li gor bernameyê dê 17'ê mehê roja yekşemê weşandina axaftina van berendaman dest pê bike û 23'yê mehê bi dawî bibe.
Ger hilbijartin bimîne dora 2'yan vê carê dê 4'ê tîrmehê axaftina berendamên bimînin dora diduyan bê weşandin.