Diyarname

Bi piştgiriya saziyên kurdan kanaleke nûçeyan a televîzyonê bi navê CNN Kurd vedibe.

Li gor agahiyên gihîştin li ber destê me CNN Kurd dawiya vê mehê dê dest bi weşana test bike û wekî hedef dane pêşiya xwe ku di meha yekem a payîzê de dest bi weşana xwe ya normal bike.
Ji bo nav bi çend mehan berê bi CNN International re jî hevdîtin hate kirin û wan jî erê kir.
Di nav xebatên CNN Kurdê de em jî hene.
Û çend agahiyên din: Hukumeta Başûr gotiye "Wekî piştgirî çi ji destê me bê emê bikin". Ji Tirkiyeyê DTP ne awayeke bi eşkere be jî piştgirî dide xebatên CNN Kurd.

Yek ji berpirsên ku vî karî dimeşîne got ku di 22'yê mehê Roja Rojnamegerên Kurd de dê daxuyaniyeke çapemeniyê li dar bixin û xebat û bernameyê eşkere bikin.
Ji niha de em dibêjin bila ser xêrê be.

Not: Xwezî tişteke wisa heba.  Xwezî kurdan bikariba kanaleke televîzyonê wekî CNN International vekira. Lê mixabin tişteke wisa nîn e. Û ji bîr nekin îro 1'ê Avrêlê ye,  yanê Roja Henakan a Cîhanê...
Bi hêviya ku ev heneka me rojeke bibe rastî.