Diyarname
Weqfa Çand û Hunerê ya Başakê ku ji roja ava bûye ve li ser zarokên koçber dixebite vê carê pêşangeheke ji berhemên xwe yên 5 salan vekir.

Weqfa Çand û Hunerê ya Başakê ji bo zarokên feqîr û xizan ên koçber xebata perwerdehî û rehabilîtasyonê dike, pêşangeha ku li ser wêneyên zarokan e li ÎDO'ya Kadikoya Stenbolê vekir. Di vekirina pêşangehê de ji zarokên Başakê Ronahi Onen konsereke biçûk a kemanê pêşkêş kir. Seroka Weqfa Çand û Hunerê ya Başakê Şahanim Kanat da zanîn ku wan xwestiye di pêşangehê de pirsgirêkên van zarokan pêşkêş bikin û ev yek lê zêde kir: "Di navbera 2007-2009'an de me 5 xebatên cihê yên hunerî li taxan çêkir û di vê projeyê de bi 818 zarokan re xebat kir. Ev wêneyên di vê pêşangehê de ji kareyên vê xebatê pêk tên."