Diyarname

HDP'ê îro serî li YSK'ê da û siyasetmedar Sirri Sakik ji Manîsayê di rêza yekemîn de kir berendam.

Di lîsteya ku HDP'ê dabû YSK'ê (Lijneya Bilind a Hilbijartinê) Lezgin Botan di rêza yekemîn de bû. HDP'ê îro serî li YSK'ê da û ji dêvla Botan Hevşaredarê Agirî Sirri Sakik kir berendam.

Sakik ji ser tora civakî re got ku wî ji bo mebûsî serî li partiyê nedabû lê gotibû ku ji ber pêvajoyê çi peywir bikeve ser milê wî dê bike. Sakik wisa got: "Ji demê heta niha cihên ku keleha desthilatdariyê bû min siyaset kir û ligel gelê me ev der me guhertin kirin kelehên demokrasiyê. Îro hê li gelek bajarên Tirkiyeyê me potansiyela me ya me neaniye cih, ew îhmal kiriye heye. Yek ji van cihan jî Manîsa ye. Li ser daxwaza gelê Manîsayê û partiya me min berendamî qebûl kir. Di vê hilbijartinê de surprîz dê Ege û Akdenîz be. Ez û hevalên min tevî gel emê kelehên nû li kelehên demokrasiyê zêde bikin, ji bo vê ber bi Manîsayê ve em dikevin rê. Ji bo nexşeya me ya aştî û demokrasiyê emê rêyên nû, bajarên nû bibînin."

Siyasetmedar Sirri Sakik ku bi dehan salan de di nav siyaseta kurd de cih digire herî dawî di hilbijartina 2014'an de ew wekî Hevşaredarê Agirî berendam hatibû nîşandayîn û HDP'ê yekem car li Agirî şaredarî bi dest xistibû. Hikumeta Tirkiyeyê Hevşaredarên Agirî ji peywirê girtin û bi kayyûmê dest danî ser şaredariyê.