Li Urugayê di hilbijartina serokdewletiyê de gerîlayê berê, berendamê çepan Jose Mujica bi ser ket û bû serokdewlet.

Di tûra yekem de berendamên çepan Jose Mujica (74 salî) sedî 49'ê rêyan girtibû u serendamê Partiya Neteweperest û serokdewletê berê Luis A. Lacalle (68 slî) sedî 29 deng girtibû. Bi vê encamê her du berendam di tûra duyem de hatin hemberî hev. Di encama hilbijartinê de Jose Mujica zêdeyî sedî 50 deng girt û hat hilbijartin. Lacella jî di sedî 45'î de ma.

Muxalîfên Jose Mujica dibêjin ku gerîlayê berê Jose Mujica dê Urugayê ber bi dewlete Sosyalîst a radîkal ve bibe.

Mujica di 1'ê adara 2010'an de dê dest bi serokdewletiya xwe bike. Bi vê yekê Mujica kir ku Eniya Berfireh 5 salên din bi hejmareke di di Kongreyê de cih bigirin.

Mujica yek ji avakarên komên çepkir Tupamaros bû. Tupamaros yek ji rêxistinên çepgir a Amerîkaya Latîn bû ku di salên 60'î de tesîr ji şoreşa Kubayê girtibû û hatibû avakirin. Rêxistinê li hemberî hikumeta ku Amerîkayê piştgiri didayê her çalakî kiribû.

Serokdewletê nû Mujica di sala 1971'ê de bi sedema polîs kuştiye hatibû mehkûmkirin û 15 sal ceza lê barîbûn. Ew di van 15 salan de gelek caran bi îşkenceyê re rû bi rû maye û di hucreya yek kesî de jî mabû.