Diyarname
Piştî Rêveberiya Xweser a Katalonyayê ji bo serxwebûnê referandûm li dar xist, rêveberiya navendî ya Madrîda Spanyayê rêveberên Katalanyayê tewqîf kirin û Serokê Katalanyayê Carles Puigdemont jî reviya Belçîkayê. Ji wê rojê de hikumeta navendî herêma Katalonyayê bi rê ve dibe. Û îro ji bo Serokatiya Katalonyayê hilbijartin çêbû: Parêzerê berê û weşanger Quim Torra ji bo serokatî hat hilbijartin.
Torra bi fikrên xwe li dij Spanyayê ye. Hat gotin ku bi pêşniyara Puigdemont ku nikare vegere Katalonyayê ew hatiye hilbijartin.
Li Parlemena Rêveberiya Xweser a Katalonyayê de roja şemî hilbijartin çêbû lê berendaman ji bo serokatî dengên piranî negirtin û îro hilbijartin hat nûkirin û Torra bi dengê 66 mebûsan bû serok. Berendamê duyem 65 deng girtin. 4 mebûsên katalan jî îro deng nedan. Jixwe bi giştî 135 mebûsên Parlemena Katalonyayê hene.
Torra ku hat hilbijartin di meclisê de axivî û got ku ew girêdayî serxwebûna Katalonyayê ye û girêdayî Puigdemont e. Wî wisa got: "Serokê me Carles Puigdemont e. Em girêdayî biryara ku di meha kewçêrê de ji bo serxwebûnê hat girtin in û em girêdayî rêveberiya serbixwe li ser rêya komarê ne."