Diyarname
Meseleya Ergenekonê ku ev demeke rojeva Tirkiyeyê dagir kiriye vê carê bi xebateke hunerî li rojevê ye.

Pêşangeha ku bi navê “Newala Ergenekonê” ji aliyê beşa şano û sînemayê ya BEKSAV’ê ve hatiye amadekirin li Depoya Titûtê ya li Tophaneya Stenbolê vebû. Pêşangeh di rojên 16’ê û 17’ê mehê de dê li dar be û dûre dê biçe taxên Stenbolê.
Endama lijneya rêveberî ya BEKSAV’ê Nurten Baydemîr da zanîn ku îdîanameya Ergenekonê dike jê gelek çîrok derên, dikare bibe teksta şanoyê, senaryoya fîlman lê heta niha hunermenda di vî warî de bêdeng in. Me xwest vê bêdengiyê ji holê rakin.
Baydemîr da zanîn ku di navbera derbeya 12’yê Adarê û 12’yê Rezberê de mirov bi awayekî girseyê hatin îşkencekirin, mirov hatin kuştin, bi mîlyonan mirov ji karên xwe bûn û wiha berdewam kir: “Me xwest van gişan wekî belge pêşkêş bikin. Me xwest drama mirovahiyê wekî belge pêşkêş bikin. Bi pêşangehê be jî be xwest ji aliyê hunermendan gaveke di warê Ergenekonê de bavêjin.”

Di pêşangeha ku di bin gelek navan de gelek beş hatine pêşkêşkirin de temsîla ‘Goristana rewşenbîran’ heye ku têde wekî gorê Mehmet Sincar, Onat Kutlar, Ferhat Tepe, Mustafa Suphi, Hrant Dink, Namik Taranci, Musa Anter  û gelekên din hatiye amadekirin, ew hatine bibîranîn.
Di beşa ‘Şerê qirêj’ de wêneyên bûyerên Şemzînan û Amedê, zarokên ku li Amedê hatine kuştin jî hene.