Diyarname
Nivîskar û helbestvan Welat Dilken bi pirtûkek nû li pêşberî xwendevanên xwe ye. Pirtûka helbestan a Dilken bi navê "Kevir û Tiştên Din" di dawiya sala 2017'an de ji Weşanên J&J derket.
Welat Dilken heta niha 6 pirtûkên helbestan nivîsîbû û niha yeka din li wan zêde kir. Wekî nav li pirtûk hatiye kirin helbest jî di navê de wekî "Kevir" û "Tiştên din" di bin du beşan de hatine pêşkêş kirin.
Dilken êş, jan, pêre jî evîn rêstine di nav helbestan de; carinan "Selfiya mirovahiyê bi Alan Kurdî re" ne, carinan "Xirbeyên UNESCO'yê" ye

Welat Dilken kî ye?
Di bihara 1975'an de li gundê Dolê ya Semsûrê hatiye dinê. Nivîs û helbestên wî di kovarên wekî Tîroj, Çirûsk, W û di malperan de hatine weşandin. Wî demek di rojnameya Ewropres û malpera Diyarnameyê de qunciknivîskarî kiriye. Di pêşbaziyên Huseyîn Çelebî û Feqî Huseyîn Sagniç de helbestên wî xelat girtine.
Pirtûkên wî ev in:
- Ken deyndarê giriyê ne, Helbest, Weşanên Belkî, 2006
- Sî bi rojê xweşik e, Helbest, Weşanên Lîs, 2009
- Şeva dawî, Roman, Weşanên Lîs, 2012
- 29 kul, 29 gul, Helbest, Weşanên Ronahî, 2012
- Siya derizî, Helbest, Weşanên Ronahî, 2012
-Neynik û hinek, Helbest, Weşanên Ronahî, 2013
- Stêrka xuricî Ferat, Roman, Weşanên Peywend, 2016
- Me Herî pir ji helbestkaran bawer kir, Ozgur Doga (wergera ji tirkî Welat Dilken), Weşanên Lîs, 2016
- Kevir û tiştên din, Helbest, Weşanên J&J, 2017 

- Kevir û tiştên din / Helbest / Weşanên J&J / 2017 / 95 rûpel