KERKÛK/ ROJNEWS
Dûrxistina kurdan ji postên Kerkûkê dewam dike. Serokê Komîsyona Serbixwe ya Hilbijartinên Iraqê şaxa Kerkûkê Qeys Mihemed ku ji bo ajansa me axivî, got; “Îro bi nivîsek fermî ez hatim agahdarkirin ku kesek ereb li cihê min hatiye erkdarkirin û ez ji kar dûrxistime.”

Qeys Mihemed diyar kir ku bêyî sedemek yasayî û qanûnî hebe ew ji kar hatiye dûrxistin.

Hêjayî gotinêye ku piştî bûyerên 16’ê kewçêra 2017’an û êrîşên Heşdî Şebî û artêşa Iraqê li ser Kerkûk û navçeyên bi nakok, beşek postên Kerkûkê ji kurdan hatine standin û dane ereban. Postê Waliyê Kerkûkê jî yek ji mînaka vê ya berbiçav e.