Diyarname

Eno hewte 8 fîlmî kewtî vîzyon. Înan ra 5 fîlmî teberê Tirkiya ra hameyê û 3 jî zerey Tirkiya ra yê. Yew te ra anîmasyon o.

Miyanê fîlmê teberê Tirkiya ra hamey hîri fîlmî vecênê vernî. Fîlmê derhêner François Ozon ê bi namey “Peter von Kant”, reyna fîlmê derhêner Ol Parker ê bi namey “Ticket to Paradise” jî miyanê fîlman ra bal anceno serê xwu. Enî fîlmî de kaykerdoxê bi name û veng Julia Robert û George Clooney kay kenê.

Fîlmo bîno ke ma pêşniyar bikerê fîlmê derhêner Brett Morgeni yo. Fîlmo bi namey “Moonage Daydream” temaşevanan beno miyanê jiyaney David Bowie ke ew eno 50 seriyo tesîrê xwu miyanê muzîkî de esto.

Heme fîlmê enî hewtî enî yê:

- Ticket to Paradise / Derhêner Ol Parker

- Moonage Daydream / Derhêner Brett Morgen

- Peter von Kant / Derhêner François Ozon

- Three Thousand Years of Longing / Derhêner George Miller

- Dragon Ball Super: Super Hero / Derhêner Tetsuro Kodama / Anîmasyon

- Burçlar / Derhêner Devrim Yalçin

- Cann / Derhêner Eren Ergin

- Dokunma - Hurdacinin Kizi / Hakan Gurtop