18.30 Şêniyên kantona Kobanî kêfxweşiya xwe bi lidarxistina qonaxa duyemîn a hilbijartinên Federaliya Demokratîk a Bakurê Sûriyê anîn ziman.
Komseriyên Bilind dema degndayînê du saetên din dirêj kir
Komseriyên Bilind ên Hilbijartinan ên her sê herêmên Bakurê Sûriyeyê dema dengdanyînê hetanî saet 22:00'an dirêj kir.
Hilbijartin wê saet 20'an de bi dawî biba lê du saetan dirêj kir.
17.30
Li Efrînê zêdetirî 100 hezar kesî dengê xwe bikaranîn
Komîseriya Bilind a Hilbijartinan a Herêma Efrînê destnîşan kir ku zêdetirî 100 hezar kesî dengê dan bikaranîn.
Li herêma Efrînê Komîseriya Bilind a Hilbijartinan diyar kir ku heyanî niha zêdetirî 100 hezar çûn ser sindoqan û dengê xwe dan bikaranîn.
14.30
Li Girê Spî jî gel kêfxweşiya xwe ji bo hilbijartinê anîn ziman.
14.00
Koalîsyona Navneteweyî jî hilbijartin dişopîne
Tîma Karûbarên Sivîlan ên Koalîsyona Navneteweyî ya Dijî DAIŞ'ê hilbijartinan dişopîne
Tîma Karûbarên Sivîlan ên Koalîsyona Navneteweyî li gelek navendên dengdayînê li herêma Cizîrê geriya û mekanîzmeya hilbijartinan, dişopîne.
12.00
Hilbijartin di rewşeke bi ewle, aram û di nav atmosferek dilxweş de didomin. Li gor dixuye bi taybetî jin gelek bi kêfxweşî diçin cem sindoqan û deng didin.
10.00
Hilbijartinên komunan di meha rezberê de hatibû lidarxistin. Ev "Hilbijartinên Meclisên Herêman" wekî qonaxa duyemîn a hilbijartinê ye lidar dikeve.
09.00
Pêvajoya duyemîn a hilbijartinên Federaliya Demokratîk a Bakurê Sûriyeyê li her sê herêman dest pê kir û welatî ji bo dengê xwe bidin diçin cem sindoqan.
Li gorî biryara komîseriyê sindoqên dengdanê saet 20:00'an wê werin girtin.