Diyarname

Hefteya borî li Avusturyayê gel serokekî ciwan (31 salî) ji bo hilbijartibû, niha jî Zelandaya Nû serokeke nû û ciwan dike serokwezîra xwe.

Li Zelandaya Nû di 23'yê rezbera 2017'an de hilbijartin li dar ketibû û Jacinda Ardern a 37 salî bi partiya xwe "Partiya Karkeran" bûbû yekemîn. Piştî hilbijartinê hevdîtinên koalîsyonê dest pê kirin û dê Partiya Karkeran û Partiya First bi hev re koalîsyonê çêbikin û Partiya Keskan jî dê ji derve piştgirî bide koalîsyonê. Jacinda Ardern dê bibe Serokwezîra Zelandaya Nû.

Berî hilbijartin li dar bikevin bi 7 hefteyan Ardern bûbû Seroka Partiya Karkeran û di hilbijartinê de hejmara mebûsên partiya xwe ji 32'yan derxist 46'an.

Piştî Jenny Shipley û Helen Clark ew sêyemîn jin e ku dibe Serokwezîra Zelandaya Nû. Her wiha piştî 150 salan ew wekî kesek ew qas ciwan dibe serokwezîr.

Çend fikrên wê:

- Ew dixwazin ji bo bikaranîna tilyakê bibe fermî yan na referandûmek li dar bikeve.

- Ew dixwaze hejmara penaberan kêm bike.

- Ew pirsa karsazan ji bo jinan "plana we ya dayiktî çawa ye" wekî eyb dibîne û dibêje, "divê rol û heqdestê jin û mêran li nav jiyana kar de yek be.

Tê gotin ku dezavantaja wê ya herî mezin ew e ku bêtecrube ye.

Welatên din jî berê xwe dabûn ciwanan

Hefteya borî li Avusturyayê hilbijartin li dar ketibû û Sebastian Kurz ê 31 salî ligel partiya xwe "Partiya Gel a Avusturyayê (OVP)" bûbû yekemîn. Berî vê Kanadayê ji bo Serokwezîrî, Fransayê ji bo Serokomarî ciwan hilbjartibûn.