Silêmanî
Kongreya Hevpeymaniya Sosyal Demokrat ya Cîhana Erebî li Silêmaniyê dest pê kir. Ji Bakur DEM Partî, ji Rojava jî PYD beşdarî kongreyê bû. Ji 21 welatên cîhanê partî beşdar dibin.

4 ROJAN WÊ BIDOME
Kongreya ku îro dest pê kir wê 4 rojan bidome. Di roja yekem a kongreyê de mijar û pirsgirêkên jinan tên nirxandin û biryar e di kongreyê de Seroka Yekîtiya Jinên Sosyal Demokratîk were hilbijartin.

BAFIL, NÊÇÎRVAN Û REŞÎD JÎ WÊ BEŞDAR BIBIN
Kongre dibin çavdêriya Serokê YNK’ê Bafil Talebanî de tê birêvebirin. Biryar e çend mêvanek ku di nava wan de Serokkomarê Iraqê Letîf Reşîd, Serokê Herêma Kurdistanê Nêçîrvan Barzanî û çend kesayetek din hene, beşdarî kongreyê bibin.

PÊŞVEBIRINA TÊKILIYA EREB Û KURDÊN PÊŞVERÛ
Wê di kongreyê de gelek mijar û panelên cuda li ser mijarên navxweyî, herêmî û navdewletî werin pêşkêşkirin. Armanca kongreyê xurtkirina peywendiyên navbera hêzên pêşverû yên ereb û kurd û pêşxistina hemahengiya navbera partiyên sosyal demokrate.

Di derbarê kongreyê de Endama Serkirdayetiya YNK’ê û Seroka Komîsyona Jinên Sosyal Demokrat a li Welatên Erebî Firyal Ebdullah ji bo çapemeniya YNK’ê got ku 13 partiyên siyasî tevlî kongreyê bûne. Her wiha diyar kir wê îro panelên taybet li ser mijarên jinan û astengiyên di dema guhertina sîstema hikûmraniya ji bo demokratîkbûnê de hene, werin nîqaşkirin.