Diyarname
Tîma Amed Sporê a ber dilê kurdan û ber dilê kurdên Stenbolê vê hefteyê berê xwe dide Stenbolê. Amed Spor 16'ê mehê dê li Tuzlayê ligel Tuzla Sporê bilîze.

Amed Spor di Lîga 2'yemîn a Koma Sor de dilîze. Di vê komê de tîmên Stenbolê jî hene û Amed Spor ji bo vê yekê dê bê Stenbolê jî. Maça yekem a li Stenbolê vê hefteyê ye. Di hefteya sêyemîn a lîgê ya îsal de vê 16'ê mehê saet 16.30 de Amed Spor li sehaya Tuzla ya Stenbolê ligel Tuzla Sporê bilîze.
Piştî vê bi mehek Amed Spor carek din tê Stenbolê. Di 8'ê meha kewçêrê saet 15.30 de Amed Spor li Eyuba Stenbolê dê ligel Eyup Sporê bilîze. Heman mehê vê carê 21'ê mehê Amed Spor li Sariyerê dibe mêvanê Sariyer Sporê. Maça ligel Sariyer Sporê dê saet 15'an de bê lîstin.
Yek ji maçên Amed Sporê ya li Stenbolê jî ligel Sancaktepe ye. Roja 4'ê meha 11'an saet 13.30 de Amed Sporê dê ligel Sancaktepe Belediye Sporê bilîze.