Diyarname
Parlemena Katalonyayê ligel hemû îtîrazên paytexta Spanya Madrîdê jî zagona referandûma serxwebûnê qebûl. Li gor biryara ku parlemenê girt di 1'ê kewçêrê de dê referandûmê bikin. Di parlemenê de li ser vê yekê 11 saet nîqaş hat kirin û ji mebûsan 72 kesî ji bo referandûm bê kirin deng da, 63 kes jî dij derket.
Parlemenê navê "Zagona Bi Rêya Hiqûqê Tevgerîn û Avakirina Komarê" lê kir. Bi vê yekê bi awayekî fermî biryara referandûmê dan.
Serokwezîrê Spanyayê Mariano Rajoy ragihandibû ku ger Parlemena Katalonyayê biryara referandûma serxwebûnê bigire dê dij vê derkevin û dê serî li dadgehê bidin. Ji aliyê din Rajoy gotibû ku ewê li dijî siyasetmedarên deng bidin vê zagonê serî li rêya hiqûqî bidin.
Serokê Rêveberiya Xweser a Katalonyayê Carles Puigdemont got ku ger hilbijêr biryara veqetînê bidin ew dê di nav çend rojan de veqetîna xwe ya ji Spanyayê ragihînin. Li aliyê din jî got ku ger dengên "na" zêde derên ew dê ji bo avakirina hikumeteke nû banga hilbijartina pêşwext bike.