Diyarname

Di Kûpaya Cîhanê ya Jinan de Îngilistan û DYA derketibûn nîv finalê û bûbûn reqîbên hev, îro jî her du nîv fînalîstên dawî diyar bûn. 

Hollandayê heq kir

Di maça yekem a îro ya nîv fînalê de Îtalya û Hollanda hatin hemberî hev. Tîma neteweyî ya jinan a Hollanda tîma Îtalya kir mêvan. Îtalyan piştî 20 salan yekem car beşdarî Kûpaya Cîhanê ya Jinan bûbûn û bi ser de jî ji nav Dora 16'an derketibûn û hatibûn çarîk fînalê. Ev ji bo serketibû û dixwestin rêya xwe bidomînin, lê Hollandaya ku ji îtalyayan zêdetir xwedî tecrube bû destûr neda.

Di nivîsa yekemîn a maçê de nêze ataqên mezin ji her du aliyan ve jî nîn bûn, lê di nîveka duyemîn de Hollanda gelek bi lez bû. Ji serî de ataqên mezin nîşan dan. Lîstikvanên Îtalyayê encax karîn heta deqîqeyan 70'yan ber xwe bide. Di vê deqîqeyê de Vivianne Miedema ku di tîma îngilîz Arsenal de dilîze bi serê xwe xweş li gogê da û tîma xwe bi 1-0 derxist pêş.

Di deqîqeya 80'ê de lîstikvana defansê ya Hollanda Stefanie van der Gragt ku derketibû pêş golek xweş avêt. Stefanie van der Gragt ku niha di tîma Barselonayê de dilîze bi serê xwe li gogê da û encam diyar kir: 2-0. Bi vê encamê Hollanda derket nîv fînalê û îtalyan vegeriyan mala xwe.

Swêdê alman têk birin

Di maça duyemîn a rojê de Almanya û Swêd hatin hemberî hev. Her çiqas alman wekî favorî dihatin nîşandayîn jî encam wisa çênebû. Swêdê bi 2-1 Almanya têk bir û derbasî nîv fînalê bû.

Di deqîqeya 16'an de lîstikvana alman Lina Magull gotilek xweş avêt, lê Swêdê tenê 6 deqe destûr da û di deqîqeya 22'yan de bi Sofia Jakobsson bersiv da: 1-1. Nîveka yekem bi vê bi dawî bû. Di destpêka nîveka duyemîn, deqe 48'an de Swêdê bi Stina Blackstenius golek din jî avêt û bi 2-1 derket pêş. Di nav deqîqeyên mayî de Blackttenius hin firsendên din jî bi dest xistin lê encam neguherî. Bi vê encamê Swêd derket nîv fînalê û bû reqîbê Hollandayê.

Hollanda û Swêd roja 3'ê pûşperê saet 22'yan de ji bo derbasî fînalê bibin dê bên hemberî hev.