Diyarname
Bi çavdêriya HRRK Şaxê Ewropayê û Zanîngeha bajarê Munsterê roja 23.05.2017'an li bajarê Munster a Almanyayê semînarek bi navê "Beşek ji kultur û kevnetora rojavayê Kurdistanê" li dar ket.
Semînar ji hêla Alan Pîrê ve hate pêşkêşkirin, her wisa wêneyên gund, navçe û herêmên rojavayê Kurdistanê di vê semînarê de hebûn.
Alan Pîre bi giştî li ser danasîna hin alavên kevnetor ên ji herêma rojavayê Kurdistanê sekinî û ew bi beşdaran da nasîn. Alavên ku kurdan heta niha bikaranîne wekî destar, meşk, nanê sêlê, nanê tenûrê, malên ji kelpîç û heriyê û hin tiştên din jî, ku ji beşdaran re hatin şirovekirin, bê çi ne û çawa xelkê bikar dianî.
Mebest û naveroka vê çalakiyê ew bû ku çawa kurd li Ewropayê dikarin kultura xwe bi miletên cîhanê re hevpar bikin û ji nêz ve hev bişopînin. Di semînerê de beşek ciwanên ku bi van tiştan re eleqedar bûn temaşe kirin û eleqeyek baş nîşanî semînerê dan.
Ji bilî axaftinê, di heman semînarê de Cibûrê Pîrê bi tembûra kurdî çend sitranên gelerî pêşkêşî amadekaran kirin.