Diyarname
Platforma Baz-Dur a Îzmîrê bang li raya giştî kir ku di 25'ê mehê de telefonên destan bikar neynin.
Platforma Baz-Dur a Îzmîrê ku li hemberî îstasyonên telefonên destan ku li nav bajêr hatine bi cih kirin têdikoşe xwest ku van îstasyonan ji nava bajêr bibin cihên dûr. Platformê ji bo têkoşîna li hemberî îstasyonan ku zerarê didin gel bang li gel kir ku 25'ê mehê telefonên destan bikar neynin.
Platforma Baz-Dur a Îzmîrê got ku Wezareta Hawirdorê di 22'yê gelawêja 2001'ê de ji walîtiyan re giştînameyeke şandiye, têde xwestiye îstasyonên bazê bibin derveyî cihên ku zêde gel lê dijî lê digel vê yekê jî îstasyon li nêzî camî û dibistanan ku zêde gel li wan deran e hatine bi cih kirin.
Platforma Baz-Dur a Îzmîrê diyar kiriye ku ew ji bo parastina mafê tenduristiyê ya gel li hemberî îstasyonan têdikoşin û ji bo vê yekê xwest roja 25'ê adarê gel 24 saetan telefonên xwe bigire.
Îstasyonên Bazê sinyalê hem didin û distînin û zerara wan ji bo gel û derdorê heye.
Û zerarên van îstasyonan:
Zerarê îstasyonên bazê yên ji bo hawirê: Manyetîka ku di laşê mirovan de ye bi manyetîka di xwezaya derdora me de li hevkiriye. Îstasyonên bazê li dora xwe elektromanyetîkê saz dikin û ev elekromanyetîka ku saz kirdiye ji elektromanyetîka di laşê mirovan û a di xwezayê de zêdetir e dibe sedem xirakirina hevkêşeyê. Ev yek jî dibe sedema qirêjiya ku navê elektromanyetîk lê kirine û ev yek dibe sedema qirêjiya hawirê.
Zerarên îstasyonên bazê yên ji bo mirovan:
- Mîkrodelxeyên ji îstasyonên bazê derdikevin di du waran de bandorê li raçîngan dikin:
Raçîngên Mîkrodelxeyan germ dikin (bandora termal)
Mîkrodelxe kîmyeya hucreyan xira dike (ne termalî yan jî bandora kîmyewî)
- Bi taybetî bandora duyemîn a mîkrodelxeyan, yanê bi xirakirina kîmyeya hucreyan ji aliyê tenduristiya mirovan ve muhîm e. Di lêkolînên ku hatine kirin de di encamên vê yekê de ev pirsgirêk derdikevin:
Di hucreyan de molekulên (protein û hwd) mezin deforme dibin.
Çermikê (Zarên) hucreyan bi hev ve dizeliqin.
Kun (elektro-porasyon) di çermikên (zarên) hucreyan de pêk tên
Bi xirabûna enzîmên Ca-ATPaz û Na-K-ATPazê Ca", Na' û K' direvin derveyî hucreyê.
- Xirabûna çermikên sinêrê (tûre, hêrs): Bi xirabûna sinêrê re xewa ku navê REM lê kirine pêre xewndîtin kêm dibe, guherina EEG, bêxewî, hersbûn, jibîrkirin, serêşî, serxweşî, nexweşiyên wekî Alzheimer, Parkinson, Multipl Skleroz ên mejiyê derdikevin holê.
- Di enzîmên hucreyan de xirabûn pêk tê
- DNA texrîb dibe.
Her wiha îstasyonên bazê qansêrê çêdikin, zirara wan ji bo çavan jî heye.
(agahiyên zanistî yên li ser îstasyonên bazê ji Wikipedia hatine girtin)