DiyarName.Com

Festîvala Fîlman a Stenbolê her sal bi sedan fîlman pêşkêş dike û van salên dawî meseleya 'sansur'an dibe mijar. Di şev

Cemil Oguz

Festîvala Fîlman a Stenbolê her sal bi sedan fîlman pêşkêş dike û van salên dawî meseleya 'sansur'an dibe mijar. Di şeva xelatdayînê de derhêner Yeşim Ustaoglu ku xelata "Derhênera Herî Serketî" girt got, "Ji bo rojê azad û bêsansur"

36'emîn Festîvala Fîlman a Stenbolê bi merasima xelatdayînê ji bo salek din xatir xwest. Par ji ber Wezareta Çandê ya Tirkiyeyê nexwest belgefîlmê "Bakur" (Derhêner Ertugrul Mavioglu, Çayan Demirel) bê nîşandayîn fîlm û belgefîlman xwe ji festîvalê bi paş ve kişand. Îsal jî sansura li ser fîlmê Kazim Oz "Zer" mohra xwe li nîqaşên nav festîvalê da. Wezaretê sansur danîbû ser hin dîmenên fîlm û Oz jî ew dîmen reş kirin û fîlmê xwe nîşan da. Di merasima xelatdayîna festîvalê de sansur hat rojevê.

Di şevê de derhêner Yeşim Ustaoglu bi fîlmê xwe "Tereddut" xelata Derhênera Herî Serketî girt û li sehneyê got: "Ji bo rojên azad û bêsansur" ew xelatê digire. Fîlmê Ustaoglu Xelata Lîstikvana Herî Serketî (Ecem Uzun) û Muzîka Herî Serketî jî girt.

Di şevê de fîlmê "Mavî Sessîzlîk" ê Bulent Ozturk "Xelata Seyfî Toraman a Fîlmê Pêşî", "Xelata Mafên Mirovan FACE", "Xelata Taybet A Juriyê" û "Xelata Senaryoya Herî Serketî" girt.

Di dema dayîna Xelata FACE'yê de Can Fîşek (Berdevkê Konseya Ewropayê û Şêwirmendê Çapemeniyê) axivî û got ku ez nizanim du roj paşê di referandûmê de dê çi derkeve lê ez dibêjim divê bi hev re lihevkirina me hebe, em bixwazin çi bibêjin divê bi awayekî azad vebêjin û sînema jî di vî warî de yek ji wan waran e." Dema Bulent Ozturk ku xelat girt got, "Heta ranebin, xêra xwe deqeyek rawestandina bêdengiyê çêbikin" û salon deqeyek bêdeng ma. Dema cara duyemîn Ozturk ji bo xelatgirtinê derket ser dikê vê carê got, "Ez vê xelatê ji bo kesên ji ber fikrên xwe yên azad di zindanan de ne digirim."

Derhêner Filiz Işik Bulut ku bi kurtefîlmê xwe "Zelal" xelata Kurtefîlmê Herî Serketî girt got, "Ez vê xelatê ji bo zinên ber xwe didin digirim."

Di şevê de fîlmê "Sari Sicak" ê Fikret Reyhan "Xelata Fîlmê Herî Serketî" girt. Ev fîlm di warê Vesazkirin, Derhênerê Dîmenê û Lîstikvanê Herî Serketî (Aytaç Uşun) de jî xelat girt.

Vane hemû xelatên di şevê de hatin dayîn:

Pêşbaziya Laleya Zêrîn a Navneteweyî

- Ornîtolog (Derhêner Joao Pedro Rogrigues)

- Xelata Taybet a Juriyê: "93 yazi" (Derhêner Carla Simon.

Pêşbaziya Laleya Zêrîn a Neteweyî:

- Fîlmê Herî Serketî: Sari Sicak (Derhêner Fikret Reyhan)

- Derhênera Herî Serketî: Yeşim Ustaoflu (Fîlmê Tereddut)

- Xelata Onat Kutlar a Taybet a Juriyê: "Mavî Sessizlik" (Derhêner Bulent Ozturk)

- Lîstikvana Herî Serketî: Ecem Uzun (Bi rola di Tereddut de)

- Lîstikvanê Herî Serketî: Aytaç Uşun (Bi rola di Sari Sicak de)

- Senaryoya Herî Serketî "Mavî Sessîzlîk" (Sema Kaygusuz)

- Derhênerêi Dîmenê yê Herî Serketî: Marton Miklauzic (Seri Sicak)