Bessam Cedu

Filmê “Lawirên Şevê” (2016) filmê Tom ford yê duyemîn e, piştî filmê wî “Mêrek bi tenê” (2009). Ford senaryoya filmê xwe nivîsiye û çîroka film ji romana bi navê “Tonî 

 û zûzan” ya nivîskar Austin Wright girtiye.

Fîlmê Lawirên Şevê sê çîrokan bi hev re pêşkêşî temaşavana dike bê ku mirov xwe di nav van her sê çîrokan da winda bike. Berevajî wê Ford her sê çîrok bi awayekî bedew û bi hunerek nazik bi hev girêdane û çîrokên xwe li dor ramanek girendine.

Zûzan jinek bedaw e bi mêrê xwe yê duyemîn re dijî û keçikek wê jê heye , mêrê wê geleg xwînşêrîn e û rewşa wî ya aborî baş e , lê hema tev vê gişkî Zûzan ji jîyana xwe nerazî ye û guman dike ku mêrê wê bi jinek din re bêbextiyê dike. Zûzan ji mêrê xwe

yê berê Tonî yê ku wê ji demek dûr ve berdaye, postek bidest dixe. Tonî di postê 

de romana xwe ya yekemîn ji Zûzanê re bi rê kiriye, roman gelek bala wê dikişîne û  di xeyala xwe de di navbera jiyana wê yê ku bi Tonî re bûrandî û bi çîroka romana wî de dijî. 

Romana Tonî nivisîye li ser mêrekî ku bi jin û keçek xwe re bi erebeyê xwe di rêyek 

de diçin lê hema di rê de sê kes rastî wan tên û jina wî û keçika wî jê distînin û wî li

çolek ber didin. Polîs laşê jin û keçika wî dibînin, her du hatine kuştin û tecawiz li wan hatiye kirin. Lehengê romanê bi rêyên qanûnî nikare mafê xwe ji kujera bistîne û dikeve rewşeke xerab û hes dikê ku keç û jina wî di encama bêçariya wî de hatin kuştin. Ew bi alîkariya polîsekî xwedî nexweşiyek bê derman û li benda mirinê ye hewl dide ku heyfa keç û jina xwe bi destê xwe ji kujeran bistîne. Di pevçûnek di navbera wî û kujeran da yekî ji wan dikuje lê hema ew jî birîndar dibe û dimire. 

Zûzan dema ku romanê dixwînê jiyana xwe ya ku bi Tonî re borand bi bîr tînê û 

tê bîrê, çawa wê Tonî berda çimkî li gor dîtina wê Tonî xwedî kesayetîyek bêhêz e û bêçara ye, tevî ku wê bi xwe li hemberî nêrîna dayika xwe rawestîye, ku ew jî Tonî

wisa dinirxînê. Zûzan ji dayîka xwe re dibêjê ku Tonî bi awayekî din gelekî bihêz e 

û ji bo dayika xwe xuya dike ku ew bi dilê xwe yê mezin û bi evîna xwe bihêz e lê hema Zûzan li dawiya dawî wekî dayik xwe li Tonî dinêre û wî ber dide û mêrekî din bihêz û

dewlemed re dizewice.

Zûzan piştî romanê dixwîne emailek ji mêrê xwe yê berê Tonî re bi rê dikê û dixwaze wî bibîne. Tonî bersiv dide û sozekî dide ji bo ku her du hev bibînin, lê hema Tonî nayê ser soza xwe.

Ford di filmê xwe de Lawirên Şevê bi hunerekî gelekî nazik behsa mijara însanên

bihêz û yê bêhêz di nirîna civakê de dike. Di çîroka Zûzan û Tonî, Zûzan evîna xwe ya

ji mêrê xwe re dikuje û bi kuştina evînê re her wiha wî jî dikuje û însanekî din ji wî

derdixe, însanekî bihêz însanekî dikarê dev ji dilê xwe yê mezin berde û heyfa xwe ji wê bistîne. Tonî jina xwe Zûzan ya ku ew berda, ji nû ve bi xwe ve girê dide û vê carê ew wê berde. 

Ford di filmê xwe de rexneyekî tûj li nêrîna civakê ji kesên bihêz û kesên bêhêz dike. Filmê “Lawirên Şevê” behsa tirajediya mirovên tên kuştin tenê çimkî ew nikarin kesekî

din bikûjin. Ford di filmê xwe de destnîşan dike ku tu cudayî di navbera kuştina can û kuştina rih nîn e. 

Kunye: Nocturnal Animals 

Derhêner: Tom Ford

Senaryo: Tom Ford ji romana Austin Wright

Lîstikvan: Amy Adams, Jake Gyllenhaal, Michael Shannon, Aaron Taylor-Johnson 

Mawe: saetek 56 deqe

Sala kişandinê: 2016