Diyarname

Serokê Partiya Çep a Alman Bernd Riexinger û heyeta pêre ji bo piştgiriya mebûsên HDP'ê hat Stenbolê.

Heyetê li avahiya Rêxistina HDP'ya Stenbolê daxuyani da çapemeniyê. Ligel Riexinger, mebûsê Partiya Çep Andrej, endama Parlemena Ewropayê Martina Michels û ji HDP'ê jî Mebûsa Stenbolê Filiz Kerestecioglu, Mebûsa Amedê Feleknas Uca beşdarî daxuyanî bûn.

Serokê Partiya Çep a Alman Bernd Riexinger got ku nehiştine herin serdana Hevserokên HDP'ê Selahattin Demirtaş û Fîgen Yuksekdag û ev yek nayê qebûlkirin. Riexinger wisa got: "Ji sala 2010'an ve ez li Parlemena Almanyayê peywirdar im. Di vê demê de ez gelek hatim Tirkiyeyê. Wekî Selma Irmak, Faysal Sariyildiz û Mustafa Balbay ligel gelek kesî min hevdîtin çêkir. Vê carê ji bo ligel Selahattin Demirtaş, Figen Yuksekdag û Selma Irmak hevdîtinê bikim min serî lê da ku Selma Irmak 'xwişka min a wekîl e' lê serdana me red kirin. Ev yekem car e wisa dibe. Berê tiştek wisa nehatibû serê me."

Riexinger got ku nayê qebûl kirin hevserokên HDP'ê girtî bin û wisa dom kir: "Hedefa ji bo girtîmayîna wan diyar e. Berî referandûmê dixwazin muxalefetê kulek bihêlin. Tu eleqeya vê bi dewleta hiqûqî û demokrasiyê re nîn e. Tiştê me dît ew bû ku rêgezê hiqûqî hatine binpêkirin. Tiştên ku li Tirkiyeyê diqewimin emê piştguh nekin. Ji bo hikumeta Alman di vî warî de bibe xwedî helwestek emê zora xwe li wan bikin."

Serokê Partiya Çep a Alman Riexinger, bi mehan di bin tecrîdê de mayîna Demîrtaş wekî "ev yek înşkence ye" bi nav kir. Riexinger bi gotina "teror heye, lê di heman demê de terora dewletê jî heye" axaftina xwe domand û li ser rewşa nû ya Tirkiyeyê jî wiha got: "Eşkere ye ku Tirkiye li ser rêya silkaniyek modern, dîktatoriyek e. Avêtina hepsê ya muxalifan, girtina rojnamegeran bi gotinek din nikare bê vegotin."