Diyarname

Ew, her roj bi her halê xwe di nav jiyana me de ne. Lê em jiyanê li wan diherimînin.

'Cenet di bin lingên wan de ye' lê em lingên wan dişkînin.

Em ji wan re dibêjin 'Ew kulîlk in' lê em wan diçilmisînin.

Em dibêjin "Şêr şêr e çi jin e çi mêr e" lê em naxwazin ew jî bibin şêr.

Em dibêjin "Jin stûna malê ye" lê em qedrê wê 'stûnê' nizanin.

Em dibêjin "Dişi kuş yuva yapar" (Çivîka mê hêlînê çê dike) lê em ne qedrê wê "yuva"yê (hêlîn) ne jî qedrê çûkê dizanin.

Em dixwazin wan biparêzin lê herî zêde jî em tehdayê li wan dikin.

Em li wan dixin.

Em wan dikujin.

Em wan hepis dikin.

Û tenê em îro wan bibîr tînin.

Bi hêviya ku dê her roj bi dilê wan be: 8'ê Adarê Roja Jinên Kedkar, û roja hemû jinan pîroz be.