Diyarname

Maça Kûpaya Ziraarê ya Tirkiyeyê ya di navbera Beşîktaş û Fenerbahçeyê de li Vodafon Arenaya Beşîktaşê li dar ket, ji fûtbolê wêdetir pevçûn û xirecirê mohra xwe li maçê da. Lê di dawiyê de Fenerbahçeyê ji vê sûde wergirt, bi 1-0 bi ser ket û derbasî çarîk fînalê bû.

Ji serê maçê de heta dawî xirecir di navbera lîstikvanan de hebû ku ya herî mezin di deqîqeya 41'ê de Van Persie yê Fenerbahçeyî bi awayekî nexweş Tosic li erdê xist, hakêm faûl da lê Tosic bi vê hêrsê bi ser Van Persie de çû, ew rû bi rû bûn, lê Persie bi awayê ku Tosic li wî xistiye xwe avêt erdê, hakêm raste rast qerta sor nîşanî Tosic da û Beşîktaş ma 10 kes.

Di nîveka yekemîn ku Beşîktaşê bi 10 kesan temam kir de 6 şût jê 3 bi îsabet hebûn, 5 korner bikar anîbûn ku yên Fenerbahçeyê jî ne şûtek, ne jî kornerek wê hebû. Ev nîvek bi 0-0 bi dawî bû.

Di nîveka duyemîn de Fenerbahçeyê bi yekzêdebûna lîstikvan hinek hakimiyeta xwe nîşan da lê Beşîktaş heta dawî di warê lîstinê de ji Fenerbahçeyê bi serketîtir bû.

Di deqîqeya 72'yan de Fenerbahçe bi gola Van Persie derket pêş: 1-0.

Di deqîqeyên dawî de li pêşkeleyê gog li destê lîstikvanê Fenerbahçe Martin Skrtel ket lê hakêm berdewam kir. 

Maç bi 1-0 bi dawî bû, Fenerbahçe derbasî çarîk fînalê bû.

Beşiktaş:

Fabri - Gokhan Gonul - Marcelo Guedes - Dusko Tosic - Adriano - Atiba Hutchinson - Oguzhan Ozyakup - Ryan Babel - Ricardo Quaresma - Anderson Talisca - Cenk Tosun

Fenerbahçe:

Volkan Demirel - Şener Ozbayrakli - Simon Kjaer - Martin Skrtel - Hasan Ali Kaldirim - Josef de Souza - Mehmet Topal - Alper Potuk - Jeremain Lens - Moussa Sow - Robin Van Persie

Serketiyên din ên rojê

Di maçên din ên Kûpaya Ziraatê de Akhisar Belediye (A.Belediye-Gumuşhane: 3-1), Konya (Konya-Umraniye: 2-1), Kasimpaşa (Kasimpaşa-Osmanli-1-1) derketin çarîk fînalê.

Duh jî maçên din li dar ketin û çarîk fînalîst diyar bûbûn.

Vane hemû tîmên derketin çarîk fînalê:

Başakşehir, Sêwas, Kayseri, Rize, Konya, Kasimpaşa, Fenerbahçe, Akhisar Belediye.

Ji bo maçên çarîk fînalê 7'ê vê mehê saet 13'yan de dê li Rîvaya Beykoza Stenbolê li avahiya TFF'ê pişke bê kişandin.

**

Nûçeya eleqedar:

- Galatasaray çû, ji Beşîktaş û Fenerbahçeyê jî dê yek ji wan here