Diyarname
Hevserokê BDP'ê Selahattin Demirtaş li Dêrsimê axivî û li ser navê Pira 3'yemîn a Stenbolê pêşniyar kirin.

BDP'a Dêrsimê roja şemiyê dê kongreya xwe li dar bixe. Ji bo amadehiyên kongreyê Demirtaş û heyeta pêre çû Dêrsimê. Demîrtaş li ser Pira 3'yemîn a Stenbolê ku xîma wê hate avêtin axivî. Demirtaş wisa got: "Dibêje, 'Min Pira 3'yem çêkir, min navê Yavuz Sultan Selîm lê kir.' Mafeke te ya wisa nîn e. Hûn Serokwezîr bin, Serokomar bin jî mafek we ya wisa nîn e. Hûn nikarin tevî jinên xwe bên ba hev û nav lê bikin. Pir ne zarokê we ye. Li ser re dê elewî jî derbas bibin, sunnî jî. Berde bila gel nav lê bike. Ji Dêrsimê ez bang dikim. Zilma ku we li gel kiriye bes e. Hûn navê jina ku bombe bi ser vir de barandiye kir, hûn navê siltanê ku li hemberî elewiyan komkujî kiriye dikin. Gel vî zilmî qebûl nake. Em li bendê ne ku navê li pir kirine betal bikin. Ger ji mecbûrî hûn navek lê dikin bi referandûmê navê hilbijêrin. Û ji bo lêborîna ji elewiyan navê Seyîd Riza li wê pirê bikin. Werin em pira Pîr Siltan çêbikin. Em navê Îbrahîm Kaypakkaya lê bikin, navê Deniz Gezmiş, yê Mahir Çayan, Mazlum Dogan lê bikin, em bibêjin pira Ulaş Bardakçi. Çima bibêjin Pira Yavuz Sultan Suleyman. Hûn bibêjin jÎ em qebûl nakin."