Diyarname

Amed Spor ku di Kûpaya Ziraat a Tirkiyeyê de reqîbên xwe têk birin û ket nava koman, niha rastî reqîbên zortir han.

Ji bo Maçên Koman îro pişte hat kişandin. 27 tîm ji maçên tevtêkbirinê heta vir hatibûn û 5 tîmên Super Lîgê Beşîktaş, Fenerbahçe, Konya û Başakşehir (Ev her pênc par di rêza 5'an de bûn) tevlî bûn û pişte hat kişandin. Di nav van de Amed Spor jî hebû. Bi giştî 8 koman hatin çêkirin. 

Amed Spor di pişkeyê de kete nava Koma C û Fenerbahçe, Gençlerbirligi û Menemen Belediye Spor bûn reqîbên wê. Reqîbên xurt ji bo Amed Sporê derketin. Her du tîmên pêşî di Lîga Super a Tirkiyeyê de dilîzin, Menemen Belediye Spor wekî Amed Sporê di Lîga 2'yemîn de dilîze.

Di nav tîman de 2 tîmên pêşîn dê ji nav koman derên û beşdarî 16'yên serketî bibin.

Di pişkeyê de kom wisa çêbûn:

Koma A:

Osmanli, Gaziantep, Şanliurfa, Kirklareli

Koma B:

Sancaktepe Belediye, Kasimpaya, Çaykur Rize, Înegol

Koma C:

Amed, Menemen Belediye, Fenerbahçe, Gençlerbirligi

Koma D:

Beşiktaş, Kayseri, Bolu, Darica Gençlerbirligi, 

Koma E:

Galatasaray, Elazig, Tuzla, 24Erzincan

Koma F:

Yeni Amasya, Başakşehir, Sivas, Goztepe

Koma G:

Umraniye, Aydin, Akhisar, Bursa

Koma H:

Trabzon, Gumuşhane, Kizilcaboluk, Konya

Maçên Koman dê rojên 29-30'yê vê mehê u 1'yê berfanbarê bêne lîstin. Maçên hefteya duyem 13-14-15'ê berfanbarê, maçên hefteya sêyem, 20-21-2'yê berfanbarê û maçên hefteya çarem dê rojên 27-28-29'ê berfanbarê bêne lîstin. Maçên hefteya pêncan sala bê, rojên 10-11-12'yê rêbandana 2017'an û maçên dawî rojên 17-18-19'ê rêbendana 2017'an. Her du tîmên pêşî dê bi ser bikevin û her tîmên bibin sêyemîn û çaremînên komê dê vegerin mala xwe.

Par jî di koma Amedê de Fenerbahçe hebû. Maça yekem li Amedê hatibû lîstin û 3-3 mabû, di maça duyemîn de Amed Spor li Stenbolê têk çûbû.