Diyarname

Di sala 2002'yan de li Hollandayê 2 tabloyên hunermend Van Gogh ji muzeyê hatin. Niha ew tablo li Îtalyayê di destên mafya de hatin dîtin, bi operasyonek hatin bi dest xistin.

Li gor nûçeya polîsên malî yên Îtalyayê du berhemên gelek bi qîmet ên Van Gogh li Castellammare di Stabia ya li nêzî Napoliya ÎTalyayê hatin dîtin. Tablo ketibûn destê mafyaya navenda wê Napolî ye.

Her du tablo ên bi navê  "Li Scheveningenê Dîmena Behrê" (1882) û 'Dêra Reform a 'Nuenenê" (1884/85) 14 sal berê hatibûn dizîn. Dema Gogh li Hollanda dijiya tabloya dîmena behrê çêkiriye, her wiha ya dêrê jî dema bavê demek li wir keşe bûye ji bo diya xwe çêkiriye. Piştî bavê wê miriye çend jinanê şînê digirin li tabloyê zêde kiriye.

Muzeya Van Gogh gotiye berevajî texmînan rewşa tabloyan baş e. Midûrê muzeyê Aleks Ruge jî wisa gotiye: "Tablo hatin dîtin. Min bawer nedikir ez dê van hevokan saz bikim, ez gelek sipasiya hêzên ewlehiyê yên Hollanda û Îtalyayê dikim.

Diziya ku di sala 2002'yan de hatibû kirin ketibû nav lîsteya diziyên herî mezin ên 10 berheman ku ev lîste FBI (Ofîsa Lêpirsînan a Federal a Amerîka) saz miriye.

Diz bi derenceyek çûne ser baniya muzeyê, bi keraneyek cam şikandine, ketine hundir û di nav çend deqîqeyan de her du tablo dizîne. Alarm lêketiye lê ew çûne jî. Ewlekarên muzeyê bi muze baş neparastine hatibûn rexnekirin, li ser vê du hemwelatiyên Hollanda ku hatibûn girtin dibêjin ku tu sûcê wan tune ye.