Diyarname
Kurdî her ku diçe zêdetir rojeva kurdan û ya Tirkiyeyê mijûl dike. Vane sê mînakên li ser kurdî:

- Kurdî ket nav qeydên dadgehê
Siyasetmedarê kurd û mebûsê berê yê DEP'ê Hatip Dicle ji ber ku gotibû "Birêz Ocalan" li Mûşê doz lê hatibû vekirin. Ji bo dozê bi fermanê serî li îfadeyên Dicle dan. Dicle xwest bi kurdî îfadeyê bide. Dadgehê qebûl nekir. Dicle israr kir, di dawiyê de dicle bi kurdî û tirkî îfade da. Ev îfade wekî "Bi kurdî û tirkî îfade da" ket nav qeydên dadgehê.

- Parastina bi kurdî 'rewşa xirab' e
Li Amedê di dadgehek ku 6 bersûc têde hebûn de 3 kesan xwest bi kurdî parastina xwe bikin. 4'emîn Dadgeha Cezaya Giran yên ku bi tirkî parastina xwe kirine 12 sal ceza da wan, yên ku bi kurdî parastin kirin jî 15 sal ceza da wan. Dadger wisa şirove kir: Yên bi tirkî parastin kiriye helwesta wan li hemberî dadgehê baş, yên bi kurdî kirine rewşek xirab nîşan da.e

- Zêdetir kurdî bikar bînin
Di doza KCK'ê de, siyasetmedarên kurd xwestin bi kurdî parastinê bikin lê ev daxwaza wan nehat qebûlkirin. Dîsa jî wan bi ya xwe kir û helwesta xwe ya bi kurdî nîşan da. Li ser vê yekê KCK'ê jî saziyên sivîl jî bang li kurdan kirin ku li her derê, di her saziyên xwe de û li nav jiyanê zêdetir kurd kurdî bikar bînin. Serokê Enstîtuya Kurdî ya Stenbolê Sami Tan jî wisa got: "Em wekî Enstîtuya Kurdî û TZPKurdî, em piştgiriya xwe pêşkêşî tevgera 'hem li dadgehan, hem jî li saziyên dewletê zêdetir bikar anîna bi kurdî ' nîşan didin. Em dixwazin zêdetir di bikaranîna kurdî de israr çêbibe."