Diyarname

Rojnameger Bedran Dere di Stêrk TV, di bultena nûçeyan de ji bo salvegera wefata Yilmaz Guney îşev cihek fireh da Yilmaz Guney û dûre bi derhêner Mano Xelîl re li ser Yilmaz Guney axivî. Xelîl qala salên 80'yî ku wî Yilmaz Guney nas kiriye kir, dûre diyar kir ku Guney di fîlmên xwe de cih daye kesên ji rêzê.

Mano Xelîl vê hefteyê bi fîlmê xwe "The Swallow" beşdarî Festîvala Fîlman a Duhokê dibe. Dere li ser sînemaya kurd jî pirs ji Xelîl kirin. Xelîl rexne li helwesta kişandina fîlman a li Başûr kir ku dema li wir sînema pêş ket gelek butçe bê sebeb xerc kirin. Yek ji rexneyên wî ew bû ku li başûr belgefîlmên BBC ji ereban digirin diweşînin, ereban bi zimanê xwe, li gor xwe çêkirine û diyar kir ku li Başûr karên sexte çêbûn. Li ser pirsa sînemaya ji bo rojavayê Kurdistanê jî wisa got: "Ez hêvî dikim saziyek sînema ava bibe bila ne saziya xal û xwarzî, ap û pismaman be. Bila hilbijartin çêbe kî çêke kî çêneke, komîsyon bila hebin senaryoyên baş hilbijêrin. Ne ku bila her du çêbibin ji bo ap û xwarzîtî. Bila ne wekî Başûr be, bila kes dilê xwe negire, lê wisa nabe."

Mano Xelîl ji bo Bakur jî wisa got: "Li Bakur gelek ciwan min nas kirin bi pereyên hindik, bêyî alîkarî ji hikumeta tirk bigire tiştan çêdikin. Tiştên baş jî çêdikin. Ya muhîm ew e mirov li ser hunera xwe, çanda xwe bisekine."