Diyarname

Kovara Tîrojê ku du mehan carek bi kurdî û tirkî weşanê dike di hejmara xwe ya nû de dosyaya xwe li ser meseleya "Ezmûna kurdan a ligel Meclisê" amade kiriye. Di vê hejmara 81'ê de Erdogan Aydin, Tarik Ziya Ekinci, Nevzat Onaran, Yuksel Genç û Mîthat Sancar li ser meseleyê axivîne. Di dosyayê de meseleye rakirina biryara destnedana mebûsan hatiye nirxandin. Onaran dibêje "A rast TBMM ji bo kurdan hat girtin". Ekinci gotiye, "Girtina mebûsan dê kurdan kêfxweş neke", Erdogan Aydin jî wisa gotiye, "Ji kurdan tê xwestin ku ne ji meclisê, dixwazin kurd dest ji kurdbûnê berdin." Mebûsê HDP'ê Mithat Sancar jî gotiye "Tiştê vê plana derbeyê rawestîne berxwedana demokratîk e."

Di nav nivîsên kurdî de Cemil Oguz nivîsa "Bajarek li dû xwe çi dihêle..." li ser deng, kolan û mirovên li Sûrê nivîsa xwe rêstiye; Ulku Bingol "Pêşmergeyê helbesta kurdî Şêrko Bêkes..." nivîsiye; Mesûd Serfiraz "Kurd û kitêb: Di navbera rûmet û gazine de"; Îsmaîl Dîndar jî li ser Tonguç Ok ku ji zindanê bi kurdî dinivîse, wergerê dike nivîsandiye nivîsa xwe.

Di nav nivîsên tirkî de Hakki Ozdal "Darên Parka Geziyê yên li Licê têne şewitandin" mesele girtiye dest.

Di kovarê de yek jê bi kurdî çend hevpeyvîn jî hatine weşandin. A kurdî Reşo Ronahî bi Omer Dilsoz re kiriye û li ser romana wî ya nû axiviye. Di yên din de Sevda Çetîn bi Nazan Ustundag, Umut Yegin bi Selim Yildiz, Muge Tuzcuoglu ligel Berîvan Bingol axiviye.

Her wiha bi nivîs û dîtinên xwe Bariş Avşar, Mehmet Ali Işik, Vecdi Erbay, Memduh Şevket Esendal (nivîsa wî Mehmûd Nêşite wergerandiye kirmanckî), 

C. Hakki Zariç, Ayşegul Tozeren, Firat Cewerî, Osman Koşut, Sinan Gundogar, Hasan Ali Kilinç, Doç.Dr.Suncem Koçer, Suavka, Yildiz Çakar, Mehmet Çakmak, Dr.Omer Uluçay, Akman Gedik, Gokhan Çetîn; bi helbestên xwe Amîne Acer, Can Yucel (wegrer Reşo Ronahî), Yekdaye Şirnexî bi helbestên xwe di kovarê de cih girtine. Her wiha wekî her gav Halil Încesu ji bo berga dawî ya kovarê xêz kiriye.