Diyarname

'Origenes de la Civilizacion' bi spanyolî, yanê "Kokên Şaristaniyê". Navê pirtûkê ku ji 5 cildan pêk tê.

Em qala pirtûka Rêberê PKK'ê Abdullah Ocalan a "Manîfestoya Şaristaniya Demokratîk" ku ji 5 cîldan pêk tê ku wergerî îspanyolî hatiye kirin. 

Ocalan bi navê "Manîfestoya Şaristaniya Demokratîk" ku ji 5 cîldan pek tê nivîsandibû. Li Tirkiyeyê û li bakur bi sed hezaran heb ev pirtûk hat belavkirin. Piştî xebateke dirêj niha ev pirtûk ji bo spanyolî hate wergerandin û cîlda yekem  dê roja 2'yê gulanê li welatên wekî Arjantin, Uruguay, Şilî, Bolivya, Ekvator û Venezuela bên firotin. 

Endamê Kongreya Neteweyî ya Kurdistanê (KNK) û wergêr Mahmut Çolak Zerdeştî wergera pirtûkê kir. Pêşgotina pirtûkê jî Atilio Boron hatiye nivîsand. Li gor bernameyê ji bo pirtûkan dê li her welatî civînên danasînê bê kirin. Di civînan de dê nerînên Ocalan ên li ser sosyalîzm, modernîteya demokratîk, ekolojî, jineoloji, kapîtalîzm û şoreşa Rojava bên nîqaşkirin. 

Pirtûkên Ocalan berê jî bi zimanê îngilîzî û îtalyanî hatibû nivîsandin. Wergêrê pirtûkê Zerdeştî ji bo ANF'ê got ku pirtûkên Ocalan li Amerikaya Latîn rastî eleqeyek mezin tên. 

Di vê navberê de li Parlemena Îngilistanê bi beşdariya gelek mebûsan û ji Bakur jî bi beşdariya Mesûba HDP'ê Dilek Ocalan û Hevserokê DBP'ê Kamuran Yuksek kampanyaya azadiya ji bo Ocalan hate dest pê kirin.