Diyarname
HDP'ê daxuyaniyeke nivîskî weşand û Roja Rojnamegerên Kurdan pîroz kir.
Di daxuyaniya ku hate weşandin de qala derxistina rojnameya Kurdistan ku di 22'yê avrêla 1898'an de hat derxistin hate kirin, hat gotin ku 118 sal berê di nav şertên zehmet de dest bi weşanê kir û hat gotin ku hê jî rojnamegerên kurd di bin şertên dijwar de karê xwe dikin. Di daxuyaniyê de wisa hat gotin: "Di salên 1990'î de li Tirkiyeyê gelek rojname ji bo rewşa bi êş bînin ziman hatin qetilkirin, di bin çavan de hatin windakirin, gelek jî salên xwe di zindanan de derbas kirin. Sal 2016, îro rojname û kovar, ajans, televîzyon û xebatkarên çapemeniya tora civakî yên kurd ên bi kurdî-tirkî weşanê dikin ligel hemû sansur û astengiyan jî xebatên xwe didomînin. Kevneşopiya rojnamegeriya azad bi mîrateya girtiye ser milên şqe dibe dengê hemû gelê kurd, gelên li Rojhilata Navîn, dibe deng û nefesê kesên tên çewsandin."
Di daxuyaniyê de tê gotin ku ew roja endamên çapemeniya azad û kedkar ku xwedî vê tabloya bi rûmet in pîroz dikin, hemû rojnamegerên hatine kuştin û hemû şehîdên çapemeniyê bibîr tînin û ew roja hemû endamên çapemeniyê ya kurdan pîroz dikin.
x