Hewlêr
Li bajarê Hewlêra Herêma Kurdistana Federal, ji bo bîranîna Serhildana 11’ê Adarê ya di sala 1991’ê "2'yemîn Festîvala Walîtiya Hewlêrê" tê lidarxistin.

Li herêma Kurdistana Federal li bajêrê Hewlêrê ji bo bîranîna Serhildana 11’ê Adarê ya sala 1991’ê û azadkirina Hewlêrê, "2'yemîn Festîvala Walîtiya Hewlêrê" tê lidarxistin. Festîval, ji aliyê Rêxistina Hunermendan a Kurdistanê ku navenda wê li Hewlêrê ye û bi piştevaniya Walîtiya Hewlêrê hate organîzekirin. Festîval wê di navbera 11-12-13’ê adarê da pêk bê. Programa festîvalê wiha ye:

11'ê Adarê:
Saet di 10.00'an de li ber Parka Minareya Çolî rêzgirtina ji bo şehîdên azadiyê. Pêşkêşkirina axaftina bixêrhatinê ya Waliyê Hewlêrê. Tabloya Newroz ji aliyê Tîpa Neteweyî Hûnerên Mîlî û Merasîma Kejzwe ya Hûnerî li ser çand û Çandê ya Walîtiya Hewlêrê tên pêşkêşkirin.
Saet di 16.00'an de li Hola Pêşewa Panoramayê Şarekem (Panoramaya Bajêrê Min) ku Hunermend Hîwa Suhad ku karê nivîsê kiriye û derhênerî kiriye, tê pêşkêşkirin.

12'ê Adarê:
Pêşangeha hevpar a komek hunermendên hewlêrî li Hola Medya tê vekirin. Pêşbirka Bezê ya Jinan, li Parka Minareya Çolî tê kirin. Di sere Êvarê jî di Hola Pêşewa de muzîk, stran, şêwakarî û şano ji aliyê Encûmena Jinan a Hewlêrê (Encumenê Afretan) ve tê lidarxistin.

13'ê Adarê:
Qarnavala Zarokan li Parka Minareya Çolî serê sibê bi muzîk, stran, şano û pêşangeha Şêwekarî tê sazkirin. Êvarê jî li Hola Pêşewa Koma Havbeş klamên Hewlêrê dibêje û festîval bidawî dibe.

Ji DÎHA'yê hatiye girtin