Cemil Oguz
Kanala televîzyonê NTV dema nû dest bi weşanê kir qelîteya weşana wê hê baştir bû û her ku çû zêdetir nêzî desthilatdarî bû, bername guherî, kanal bû tiştek din, lê ev NTV'yê ku guherî di Festîvala Fîlman a Stenbolê de rola wê neguherî. NTV çendin sal in beşa "NTV Belgesel Kuşagi" (Beşa Belgefîlmên NTV) belgefîlmên ji gelek welatên dinyayê pêşkêş dike. Ev beş îsal jî belgefîlmên balkêş pêşkêş dike.
Derfet çênabe mirov hemûyan temaşe bike lê ez bi xwe her sal ji vê beşê bi taybetî demê vediqetînim ku çend belgefîlman temaşe dikim.
Îsal bi giştî 14 belgefîlm di vê beşê de têne pêşkêşkirin. Min ji wan hin neqandin:
- Bavê Min ê Mezin Allende / BEYOND MY GRANDFATHER ALLENCE
Derhêner: Marcia Tambutti Allende
35 sal berê dîktatorî bi awayekî ne meşrû Salvador Allende ji ser kar digire. Marcia Tambutti ku neviya wî ye heta niha li ser kalê xwe neaxiviye, vê carê diaxive. Ew ji aliyek ve dîroka malbatê, ji aliyê din ve rewşa civakî pêşkêş dike.
7,9 û 11'ê mehê belgefîlm tê nîşandayîn. 11'ê mehê saet 11.00'an de li Salona Feriye ye.
- Ez, Ingrid / JAG AR INGRID
Derhêner: Stif Bjorkman
Ingrid Bergman yek ji lîstikvanên herî mezin e ku ketiye nava dîroka sînemayê ku belgefîlm berê xwe dide ser jiyana wê. Belgefîlmê ku li Festîvala Cannesê (2015) Mansiyona Çavê Zêrîn girt rastî eleqe û pesindanan jî hat.
Belgefîlm rojên 15 (salona Feriye, saet 16.00), 16 (salona Rexx, saet 16.00) û 17'ê mehê (salona Beyoglu, saet 13.30) tê nîşandayîn.
-Welatê Min / HOMELAND
Derhêner Abbas Fahdel
Sînemagerê ji Iraqê Abbas Fahdel li Fransayê dijî. Ew dema Sedam li ser kar e di sala 2002'yan diçe malbata xwe dibîne û jiyana wan a rojane dikişîne kamerayê. Piştî vê bi salek li Iraqê desthilatî diguhere û şerek dirêj dest pê dike. Belgefîlm wekî rêberek wan serdeman pêşkêş dike.
Belgefîlm rojên 13'yê mehê (salona Akbank Sanat, saet 16.00) û 17'ê mehê (salona Rexx, saet 11.00) tê nîşandayîn.
- Steve Jobs: Ne kamîne mirov / STEVE JOBS: MAN IN THE MACHINE
Derhêner Aleks Gibney
Steve Jobs di teknolojiyê de serdemek nû vekiribû û çend sal berê mir. Steve Jobs ku li ser wî heta niha gelek pirtûk hatin nivîsandin, fîlm hatin çêkirin gelo baş hatiye nasîn? Bi rastî ew kî ye? Belgefîlm berê xwe dide jiyana wî.
- HITCHCOCK/TRUFFAUT
Derhêner Kent Jones
Du derhêner HITCHCOCK û TRUFFAUT. Wan bandorek girîng li beşa hunerê kiriye. Belgefîlm wekî pirek di navbera herduyan de ye. Truffaut di sala 1966'an de bi Hitchcock re hevpeyvînek dike ku sê rojan didome. Ji vê pirtûkek bi navê "Li gor Hitchcock Sînema" diweşîne. Di belgefîlm de ji derhênerên cuda dipirse ku vê pirtûkê çiqas bandor li we kir? Belgefîlm wekî hurmetek e ji bo her du derhênerên mezin.
Belgefîlm rojên 7,9 û 10'ê mehê hat nîşandayîn.
- Bûyer, THE EVENT
Derhêner Sergei Loznitsa
Yekîtiya Sovyetê çawa têk çû? Hêviya bi sed hezaran ku di sala 1991'ê de li St. Petesburgê daketin kuçeyan rolek çawa lîst? Di belgefîlm de temaşevanan dibe wê serdemê û wê serdemê nîşan dide.
Belgefîlm rojên 15 (saet 13.30, salona Rexx), 16 (saet 16.00, salona Atlas) û 17'ê mehê (saet 19.00, salona Beyoglu) tê nîşandayîn.
- Li ber rojê / UNDER THE SUN
Derhêner Vitaly Mansky
Derhênerê ji Rusyayê temaşevanan dibe Koreya Bakur. Li Koreya Bakur jiyana rojane çiqas tê sazkirin û çiqas lîstik e? Mekanîzmayên propaganda û zordariya dewletê çawa dixebitin? Mansky ev yek nîv eşkere, nîv veşarî kişandiye û belgefîlmê pêşkêş dike. Ji bo fêmkirina jiyana Koreya Bakur ku zêde kes hay jê nîn e belgefîlm rêyek vedike.
Belgefîlm rojê 13 (saet 11.00, salona Rexx5), 15 (saet 19.00, salona Beyolglu) û 16'ê mehê (saet 16.00 salona Fitaş 6) tê nîşandayîn.
- Niha ez ku derê dagir bikim? / WHERE TO INVADE NEX
Derhêner Michael Moore dibêje "Me amerîkiyan dagirkirin ji xwe re kir wekî xuyek, wê çaxê em Ewropayê dagir bikin û xweşikiyên wê derê ji bo xwe bigirin." Ji bo belgefîlm derhêner ber bi Ewropayê ve dikeve rê.
Belgefîlm rojên 15 (saet 13.30, Salona Beyoglu), 16 (saet 11.00, salona Rexx 1) û 17'ê mehê 'saet 16.00, salona Fitaş 4) tê nîşandayîn.
Her wiha ev belgefîlm jî hene:
- I AM BELFAST, derhêner Mark Cousins
- DE PALMA, Derhêner Noah Baumbach
- LAMPEDUSA IN WINTER, Derhêner Jakob Brossman
- EL PATIO DE MI CASA, Derhêner Carlos Hagerman
- I DON´T BELONG ANYWHERE, Derhêner Marianne Lambert
- SOGNI DEL LAGO SALATO, Derhêner Andre Segre
***
Nûçeyên eleqedar:
- Bi "Midnight Special" festîvalên deriyên xwe vekirin
- Derî vedibe: Hin jê bi kurdî 221 fîlm tên
- ‘Kerî’ bi awayê nûkirî tê nîşandayîn
.jpg)
