Diyarname

Berdevkê Hêzên Koalîsyonê ya DYA'yê (Dewletên Yekbûyî yên Amerîkayê) Albay Steve Warren got ku ji dêvla hêzên rejimê bajarê Reqayê ji destên DAIŞ'ê bigirin, terciha me ew e ku Hezên Sûriyeya Demokratîk (HSD) ku YPG hêza serekeye têde wê derê bi dest bixin hê baştir e.

Warren bidestxistina Palmira ji aliyê rejima Sûriyeyê ve pêşketina hêzên koalîsyonê ya ber bi Reqayê ve nirxand û got: "Baweriya me ew e ku hêza herî guncan û baş a ku Reqa û Deyr ez Zorê bi dest bixe hêza Hêzên Sûriyeya Demokratîk e. Ligel HSD'ê ku em piştigiriya wê dikin hedefa me ew e ku em refah û aştiya Sûriyeyê saz bikin."

Hêza sereke ya HSD'ê YPG ye û her wiha ji bilî kurdan komên erebên sunî jî di nav HSD'ê de hene.

Warren demek berê gotibû ku wan çek û muhîmatên leşkerî bi hewayê ragihandine HSD'ê. Dîplomatekî payebilind ê DYA'yê Brett McGurk jî piştî HSD'ê Şedadî ji destê DAIŞ'ê girtibû sipasiya wan kiribû.