Amed

Seroka Daîreya Mîrateyên Çandî ya Şaredariya Bajarê Mezin Nevîn Soyukaya, eşkere kir ku Rêveberiya Qadê û Şaredariya Bajarê Mezin a Amedê têkilî pêvajoya Navsûrê nayêne kirin. Soyukaya diyar kir ku mîrateya çandî ya şênber û neşênber derbeyeke mezin xwariye û got, “Metirsiyên min ên mezin hene.” 

Seroka Daîreya Mîrateyên Çandî ya Şaredariya Bajarê Mezin Nevîn Soyukaya, der barê Navsûran de daxuyanî dan. Nevîn Soyukaya bal kişand ku Navsûran, Sûrên Amedê, Bexçeyên Hewselê, Kela Navîn û Kaniya Enzelê li xwe digire Qada Mîrateya Cîhanê ye; beşa Geliyê Dîcleyê ku li perê zanîngehê dinêre, herêmeke tampon e ku Riya Hesinî, DSÎ û riya bejayî digire nav xwe. Soyukaya da zanîn ji ber ku Navsûrê qadeke sît a bajarî ye ji herêmên din ên tampon cudatir e.  

Soyukaya bal kişand ku li vê herêmê 610 avahiyên tescîlkirî hene û anî ziman ku Navsûran qada sîtê ya bajarî ye, herêma tampon a UNESCOyê ye, ji ber vê yekê hem divê ji aliyê UNESCOyê hem jî qanûnên xwecihî ve bê parastin.

Soyukaya destnîşan kir ku Plana Îmarê ya Bo Parastina Navsûrê qadên bajarî yên sîtê makeqanûnî ye, ji ber ku Mîrateya Cîhanê ye ligel vê planê divê Plana Qada Rêveberiyê jî bê pêkanîn û got, “Divê bi van her du planan bikin û bo wê derê çi pêwîst be bê kirin.”  

Rêveberiya Qadê karbeşiya wê tîne cih

Soyukaya da zanîn ku bi pêvajoyê re tiştê bê kirin eşkere ye û eşkere kir ku hemû xebatên bêne kirin divê bi ser Rêveberiya Serokatiya Qada Rêveberiyê, şaredarî, odeyên pîşeyê, moxtar û kesên li wan deran rûdinin bêne kirin.