RIHA

Polîsên ku xebatkarê Rojnamgeya Azadiya Welat ê Rihayê Şahîn Ceyran rawestandin, ew bêbandor kirin û madeya ku hê nayê zanîn çi ye bi zorê bi wî dan vexwarin. Dûre polîsan li wî da û ew terkî mirinê kirin. 

Xebatkarê Rojnameya Azadiya Welat ê Rihayê Şahîn Ceyran rastî hewlda kuştinê hat. Ceyranê ku serê sibehê rojname belav dikir ji avahiyên TOKÎ yên Evren Sanayî bi motora xwe derket ji aliyê polîsan ve hate rawestandin. Li gorî agahiyên şahidên bûyerê Ceyran madeya ku polîsan xwestine bi zorê bidin vexwarin qebûl nekiriye û reviyaye, lê polîs ew girt, ji 4 polîsan 2'yan Ceyran girtin û di nava şûşeyekî de madeya tirş û şor bi wî dan vexwarin, dûre li wî dan, ew demek bi erebê gerandin.

Şahidê bûyerê got ku polîsan Ceyran avêtiye ber avahiyekî xirabe, piştî ku ew bi ser xwe ve hatiye verişiyaye û bi bi telefonê li xizmekî xwe geriyaye. Ceyran rakirin Nexweşxaneya Dewletê ya Balikligolê. Li nixweşxaneyê mîdeyê Ceyran hatiye şuştin, lê tê gotin Ceyran hê jî nikare destên xwe veke û dilê wî jî dixele.

Ceyran hê li nexweşxaneyê ye û tê dermankirin.