Diyarname
Malpera çandî û hunerî Tîrojê di hejmara xwe ya nû de dosyayeke li ser TRT 6'ê amade kiriye.

Kovara Tîrojê bi hejmara xwe ya 37'an 6 salên xwe li  dû xwe hişt û kete sala xwe ya 7'an. Li ser salvegera Tîrojê rojnameger Ahmet Tulgar nivîseke di kovarê de nivîsiye û Tîroj wekî "Bi bingeha xwe kovareke aştîxwaz" bi nav kiriye.
Digel helbest, çîrok, ceribandin, hevpeyvînan kovarê dosyaya xwe ku li ser TRT 6'ê ye jî pêşkêş kiriye. Di dosyaya ku bi sernavê "TRT 6 li ku derê 'înkarê' ye" hatiye amadekirin de Vedat İlbeyoglu, Ferda Çetin, Fehim Işik, Husnu Ondul, Mehmet Atli, Sami Tan û Ozgur Sevgi Goral nivîs nivîsîne.
Di nivîsan de Vedat İlbeyoğlu gotiye, "TRT 6 nebûye bersiva daxwaza nasnameyê ya kurdan lê di têkoşîna nasnameya kurd de de rêya bidestxistina mafê vekiriye". Ferda Çetîn bi gotina Bakunîn mînaka xwe ya li ser TRT 6'ê wisa gotiye, "TRT 6 xirabiyek e, lê ji aliyê dîrokî ve xirabiyeke pêdivî ye!
Fehîm Işik jî di nivîsa xwe de daye zanîn ku rayedarên TRT 6'ê ji dêvla ku bi kurdan re bikevin nav têkiliyeke bingehîn, bi kesan re re ketine nav têkiliyekê û bi kesên ku derveyî polîtîkayê DTP'ê ne re têkilî daniye. Işik wisa gotiye: "Di warê kar kirinê de jî yên ku têkiliya wan bi kurdîtî, dinyaya kurdan re eleqeya wan nîn e, bi yên ku berê ji TRT'ê re kar kiriye, yanê ji 'sansura' TRT'ê derbas bûne re, bi awayekî ticarî bi wan re ketiye nav têkiliyê. Ev yek jî bi awayekî mafdar di nav raya giştî ya kurdan de bûye sedema nejidilbûna TRT 6'ê."
Samî Tan jî daye zanîn ku di dema ku destûrê nadin perwerdehiya bi kurdî, di dema ku plana veşarî ya AKP'ê derketiye holê de ne ecêb e ku kurd bi awayekî ecêb li vê projeyê binêrin. Û Tan ev yek lê zêde kiriye, "Di dema ku bombe bi ser kurdan de têne barîn de, kurd çima piştgiriyê bidin vê projeyê?"
Di hejmara adar-avrêl a kovarê de Fehîm Işik digel nivîsa ku di dosyayê de nivîsandiye nivîseke jî li ser "Berhemên klasîk yên Malbata Şêx Hesenê Nûranî" jî nivîsandiye, qala berhemên wan û malbata Nûranî kiriye.
Dr. Omer Uluçay jî di nivîsa xwe de li ser "Destan û romana destanê" sekiniye.

Her wiha di kovarê de kesên wekî Mustafa Kara, Bariş Avşar, Kak Zêwer, Nermin Yildirim, Ferid Edgu, Aziz Aydin Dogan, Huseyin Aykol, Şengul Ogur, Yusuf Karataş, Fewzî Bîlge, Bawer Ronî, Zeynep Gambetti, Memed Dîcle,  Mehmet Bayrak, Sinan Gundogar, Cuma Boynukara, Ronî War, Muge Tuzcuoglu, Sennur Sezer bi nivîsên xwe cih girtine.
Dîsa yê kesên wekî Cemal Sureya, Selim Temo, Reyhan Sarhan û Yûsiv Biyanî jî helbestên wan hatine weşandin.

***

Bi şertê nîşandayîna çavkaniyê her kes dikare nûçe, nivîs û fotoyên Diyarnameyê bikar bîne. Bêyî nîşandayîna çavkaniyê bikaranîna nûçe, nivîs û fotoyên Diyarnameyê qedexe ye.