Diyarname

12 tîmên mezin ên Ewropayê bi navê "Lîga Super a Ewropayê" (LSE) ava kirin. Ev çi lîg e, kî çi reaksiyon nîşan dan? va ne hemû agahî:

VAN 12 TÎMAN AVA KIR

Di bin banê UEFA'yê de Tûrnûvaya Lîga Şampiyonan û Lîga Ewropayê ya UEFA'yê hebûn. Lê 18'ê mehê 12 tîm hatin ba hev û eşkere kirin ku bi navê "Lîga Super a Ewropayê" lîgek avakirine. Di nav 12 tîmên ku ev tûrnûva eşkere kirine de ev tîm hene: Ji Îngilistanê Arsenal, Manchester United, Chelsea, Liverpool, Manchester City, Tottenham Hotspur; ji ÎTalyayê Milan, Inter û Juventus; Ji Spanyayê Atletico Madrid, Barcelona û Real Madrid. Van bi daxuyaniyeke hevbaş ev lîg eşkere kir.

SEROKÊ UEFA'YÊ BERTEK NÎŞAN DA

Li ser vê yekê Serokê UEFA'yê Aleksander Ceferin ew tîm bi gotina "Çavbirçî ne, ev biryareke şermê ye, pêşniyareke tenê ji bo xwe xizmetê dike" sûcdar kir û bertek nîşan da.

FEREDASYON DIJ DERKETIN

Li aliyê din rêveberiyên Federasyona Fûtbolê ya Îngiliszanê, Premier Lig, Federasyona Fûtbolê ya Spanyayê, La Liga, Federasyona Fûtbolê ya Îtalyayê û Serie A daxuyaniyeke hevbeş dan û dijî vê biryarê derketin.

FIFA DIJ DERKET

Yekîtiya Federasyonên Fûtbolê ya NAvneteweyî (FIFA) jî bi daxuylaniyek diyar kir ku ew dijî fikra "Lîga Super a Ewropayê" ne û li hemberî vê çi pêdivî hebe dê bikin.

LSE'yê BANG LI UEFA Û FIFA'YÊ KIR

Li aliyê din rêveberiya LSE'yê bang li serokê FIFA'yê Gianni Infantino û Serokê UEFA'yê Aleksander Ceferin kir ku vê lîgê qebûl bikin û hewce bike ew dê serî li rêyên hiqûqî bidin. Rêveberiya LSE'yê wisa gotiye: "Em bang li serokên her du saziyan dikin ku ji bo em qala kîteyên vê organîzassyona xwe bikin, ji bo em em qala cihê me yê di ekosîstema fûtbolê de bikin civanê bidin8 me."

Di nameya ku hatiye şandin de wisa hatiye gotin: "Em naxwazin Lîga Şampiyonan û Lîga Ewropayê ya UEFA'yê bêne betalkirin û em bikevin cihê wan. Di dema ku ev tûrnûva bidomin de me saziyeke din ava kiriye ku bi wan re reqabetê bike."

Ji her du aliyan ve jî daxuyanî didomin. Di serê meseleyê de pere heye. Ev lîgên mezin dixwazin hinek din mafê pereyan di destê wan de be. Niha dê çi bibe, dema pêşiya me dê rewşeke çawa derkeve holê hê nediyar e. Lê tiştê diyar ev nîqaş dê hê pir bidome.

UEFA'YÊ GAVEK NÛ AVÊT

Di dema ku meseleya LSE tê nîqaş kirin de rêveberiya UEFA'yê biryar da ku di serdema 2024-25'an de Lîga Şampiyonan bi 36 tîman dest pê bike.