Diyarname

Di maça sêyemîn a Kûpaya Ziraatê ya Tirkiyeyê de îro li Rihayê Şanliurfa Spor û Amed Spor hatin hemberî hev. Amed Sporê bi 2-0 reqîbê xwe têk bir û pûanên xwe derxist 7'an.

Şanliurfa di Lîga 1'emîn a PTT'ê de dilîze. Amed spor lîgek jê jêrtir di Koma Sor a Lîga 2'yemîn de dilîze. Buhaya tîma Amed Sporê bi mîlyonek û 250 hezar Euro ye, yê Şanliurfa 3 mîlyon û 800 hezar Euro ye. Her du tîm di encama pişkeyê de ji bo Kûpaya Ziraatê ketin Koma A. Di maça ku îro li Rihayê hat lîstin de Amed Spor bi 2-0 bi ser ket û avantaj bi dest xist. Golên Amed sporî di deqîqeya 29'an de Şehmus Ozer (35 salî ye û ji Erxenî ye) û di deqîqeya 31'ê de Yusuf Yagmur  (29 salî ye û ji Bismilê ye) avêt. Nîveka yekemîn a maçê bi 2-0 bi dawî bû, di nivîka duyemîn de jî rewş neguherî û Amed Spor di encama 3 maçan de bû 7 pûan.

Di komê de Başakşehîr bi 7 pûanan yekemîn, Amed Spor jî duyemîn e. Ji tîmên din Bandirma xwedî 3 pûanan, Şanliufra tu pûanên wê tune ne.

Amed Spor maça 4'emîn a komê dê 14'ê vê mehê li Şilbeya Amedê bilîze. 

Başahşehîr jî 13'ê mehê dê bi Bandirma re bilîze. Ger her du tîm di van maçan de bi ser bikevin, her du jî dê mafê derketina ji komê bi dest bixin û her du maçên dawî dê bibin bê wate.

Di Kûpaya Zîraatê de 8 kom hene û 32 tîm ji bo ji koman derkevin bi hev re dilîzin.