Diyarname
Serokomarê Iraqê Celal Talabanî ji bo du rojan hat Tirkiyeyê. Vane hin notên ji vê hevdîtinê:

- Ji ber ku rayedarên leşkerî nexwest peşwazî li Talabanî bikin hatine Talabanî ne di 'gereke fermî' di mînaka 'serdaneke ji bo xebatê' hate dîtin. Loma di hemû gerê de rayedar ji leşkaran nîn bû, di pêşwazîkirina Talabanî ya li balafirgehê de jî. Wekî rayedar tenê Berdevkê Hikumetê Cemil Çiçek di merasima pêşwaziyê de amade bû.

- Celal Talabanî ragihand ku ji bo têkoşîna bi PKK'ê re çareseriyeke bergireh divên. Ji bo vê divê mekanîzmaneyeke sê alî di navbera Enqere-Washington-Bexdayê de çêbibe.

- Talabanî ragihand ku 'Divê Tirkiye bi Rêveberiya Kurd re diyalogê saz bike. Amerîkayî bi xwe nikarin bikevin Qendîlê û wê derê zeft bikin.'

- Di destpêkê de tu rayedar ji Herêma Federe ya Kurdistanê tevî Talabanî nehat Enqereyê ev yek wekî reaksiyoneke hate nirxandin, lê di xwarina Çankayayê ya ji bo Talabanî de Berpirsê Têkiliyên Derve yê Hikumeta Herêma Federe Safîn Dîzaî beşdar bû.
 
- Talabanî çû Anitkabîrê, lê hate gotin 'Ji ber nexweşiya xwe nikare xwe xwar bike loma gul dananî ber gora Ataturk' lê Talabanî çend rêz di deftera Anitkabîrê de nivîsî.

- Talabanî bi Serokwezîrê Tirkiyeyê R. Tayyip Erdogan re jî hevdîtin pêk anî û navroj bi hev re xwarin.

- Bi endamên Konseya Kar a Tirk-Iraqê re hevdîtin pêk anî û got: "Em dixwazin di warê neft, aborî, ticaret, çand û siyasetê de bi Tirkiyeyê re têkiliyeke stratejîk saz bikin."
Gotina 'Kurdistan' bû sedema rûtirşî. Di vê hevdîtinê de Talabanî dema gotina, "Wekî Iraq em li başûrê Iraqê, Bexda û Kurdistanê dixwazin alîkariya we bikin" bikar anî, rûyê Cîgirê Serokwezîr Cemil Çiçek û heyeta tirk tirş bû.

- Talabanî bang li şîrketên tirk kir ku li Iraqê şîrket ava bikin û razemenî pêk bînin.

- Ji ber ku Talabanî li hemberî operasyonê dengê xwe dernexist DTP'ê hem di pêşwazîkirin û hem di bi rêkirinê de digel ku hatibûn vexwendin jî cih negirtin û bi neçûna serdana Talabanî ew protesto kirin.

- Di metna axaftina Talabanî ya şîvê de digel ku navê Serokê Koma Meclisê ya DTP'ê Ahmet Turk û navê Serokê CHP'ê Deniz Baykal hebûn jî wî navên wan neanî ziman.

- Li gor nûçeya Milliyetê rayedarekî di asta jorîn de li ser gera Talabanî wisa got; "Aliyê Iraqê di serî de mijara PKK, di mijarên ku soz dane de emê şopînerê wan bibin ka sozê xwe tînin cih an na." Ji bo planeke xebatê bê lidarxistin dê rayedarên Iraq û Tirkiyeyê bikevin nav hewldaneke mezin.

- Li gor nûçey Cnnturkê Serokwezîr Erdogan li ser hevdîtinê wisa got; "Tirkiyeyê her gav girîngî daye dostanî û biratiya Iraqê, girîngî daye yekîtiya ax û yekîtiya siyasî ya Iraqê."

- Di xwarina navrojê ya bi Talabanî re digel wezîrên Iraqê ji Tirkiyeyê ev kes hebûn: Wezîrê Dewletê û Cîgirê Serokwezîrê Tirkiyeyê Cemil Çiçek, Wezîrê Dewletê Kurşad Tuzmen, Wezîrê Karên Hundir Beşir Atalay, Wezîrê Enerji û Çavkaniyên Xwezayî Hilmi Guler, Wezîrê Senayî û Ticarekê Zafer Çaglayan, Muşteşarê Serokwezîriyê Efkan Ala, Cîgirê Serokê Giştî yê AK Partî Egemen Bagiş, Serşêwirmendê Serokwezîr Ahmet Davutoglu, Muşteşarê Wezîrê Karên Derve Serbalyozger Ertugrul Apakan û Wekîlê Nûnerê Taybet ê Tirkiyeyê yê Iraqê Murat Ozçelik.

- Li gor nûçeşa Cnnturkê Talabanî "Ji bo têkoşîna bi PKK'ê re soz da".

- Rojnamegerek gotina Talabanî gotibû ya bi rengê 'ez pisîkeke kurdan jî nadim Tirkiyeyê' bibîr xist û pirsî, "Hûn hê jî li ser vê gotina xwe ne", Talabanî wisa got; "Ez Serokdewletê Iraqê me, ew gotina min şaş hate fêmkirin. Min negot pisîkeke kurd, min got pisîkeke Iraqê. Teslîmkirina iraqiyeke cîranê me be Tirkiye be jî ne li gorî Zagona Bingehîn a Iraqê ye."

Hatina Talabanî dê çawa tesîrê li kurdan û rojeva Tirkiyeyê bike di rojên pêş de dê diyar bibe.

Foto ji cnnturkê hatiye girtin