Diyarname
Kurdî bi gotina 'Zimanê ku nayê zanîn ka çi ye' kete nav qeydên meclisê. Serokwezîr jî bi wî zimanî got:
"TRT Şeş bi xêr be."

TRT 6 ku bi kurdî niha dest bi weşana testê kiriye dê serê salê dest bi weşana xwe ya normal bike. TRT 6'ê ji sbo vê yekê dîtin ji Serokwezîr R. Tayyip Erdogan jî girt. Erdogan piştî dîtinên xwe anîn ziman bi gotina kurdî 'TRT Şeş bi xêr be' dawî li axaftina xwe anî. Ger ev gotinên wî di weşana normal a TRT 6'ê de bêne weşandin dê yekem car gotinên serokwezîrekî bi kurdî bêne weşandin.
Hefteya borî di hevdîtinên butçeyê de gotinên mebusê Şirnexê yê DTP'ê Hasip Kaplan ku li meclisê bi kurdî axivî wekî 'Bi zimanên ku nayê zanîn ka çi ye' li nav qeydên meclisê hatibûn nivîsîn. Yanê meclisê kurdî qebûl nekiribû. Dûre Serokê Meclisê Koksal Toptan li ser vê yekê got; "Xwezî wekî 'bi zimanekî derveyî tirkî' axiviye bihata nivîsandin." Toptan ku ew jî AKP'î ye wî jî ferman neda ku di qeydên meclisê de wekî 'bi kurdî xeber da' bê nivîsîn.
Û niha serokwezîr gotineke bi kurdî dike.
Em çi bêjin, em jî bibêjin: Ser xêrê.