Diyarname

Kaykerdoxê tîmê neteweyî ê Gallerî, kaykerdoxo bi name û veng Gareth Bale wek fûtbol ra vera da.

Kaykerdoxê fûtbolî Gareth Bale serey 1989’inan de Cardiff hamew dinya. Bale Southampton û Tottenham de kay kerd, namey cê veciya û Real Madrîdî serey 2013 de bi 100 mîlyon Euroyî ew transfer kerd. Bale, Real Madrid de 5 rey bî Şampiyonê Lîgê Şampiyonan ê UEFA, 3 rey Kûpaya Super UEFA girot, reyke La Lîga de bî şampiyon, rey ke jî Kûpaya Super a Spanya û rey ke zî Kûpaya Kral a Spanya girot. Bale di 258 maçanê Madridi de 106 golî eyştî. Reyna ê 105 rey formay Tîma Neteweyî ay Gallerî da xu ra û 38 hebî golî eyştî. Bale, tewr peynî de Los Angeles FC de kay kerd û enka biryar da ke fek fûtbol ra verado.

Bale, serê hesabê xwu ê torê civakî de biryarê xwu eşkera kerd û vat, “Biryarê fekveradayişê fûtbolî biryaro tewr zehmet bî qey bî min.”