Abdurahman Gok / SILÊMANÎ

Heyeta DTP'ê hevdîtina xwe ya dawî bi Serokomarê Iraqê Celal Talabanî re pêk anî.

Di hevdîtinê de li ser çarseriya pirsgirêka kurd a bi riyên aştiyane nirxandin hatin kirin. Her wiha Talabanî di hilbijartinan de serkeftin ji DTP'ê re xwest.

Heyeta DTP'ê ya ji Hevserokên DTP'ê Ahmet Turk û Emîne Ayna, mebûsê DTP'ê Osman Ozçelîk, endamê MP'ya DTP'ê Abdullah Demîrbaş, Berpirsiyara Têkiliyên Derve ya DTP'ê û mebûsa Stenbolê Sabahat Tuncel pêk tê, bi armanca hind hevdîtinan çûbû Herêma Kurdistana Federal, hevdîtinên xwe li Silêmaniyê didomîne. Heyeta DTP'ê herî dawî bi Serokomarê Iraqê Celal Talabanî re li avahiya Sekreteriya Giştî hate cem hev. Di hevdîtina ku saetek û 45 deqîqe berdewam kir de pirsgirêkên di rojevê de hatin nirxandin. Hate gtin ku nêrîna, "Pirsgirêka kurd bi riya şidetê nayê çareserkirin û ji bo vê yekê lazim e riya diyalogê bê bikar anîn" hate rojevê. Her wiha hate daxuyandin ku di hevdîtinê de têkiliyên di navbera kurdan de, têkiliyên di navbera Iraq û Tirkiyeyê de, rêbazên vekirina diyalog û aştiyê hatin nîqaşkirin.

Talabanî: Min negot piştgiriyê bidin AKP'ê

Hate gotin ku Hevserokê DTP'ê Ahmet Turk nûçeyên wekî, "Serokomarê Iraqê Celal Talabanî pişgiriyê dide AKP'ê" anîne rojevê û li ser vê yekê Talabanî diyar kiriye ku wî bi tu awayî daxuyaniyek wiha nedaye. Turk daxuyand ku Talabanî diyar kiriye ku ew xwe tevî van karan nake û ji bo DTP'ê serekeftin xwestiye. P
iştî hevdîtinê bi heyeta DTP'ê re xwarin hate xwarin.
DTP piştî ku derbasî Hewlêrê bibe dê vegere Tirkiyeyê.

Heyeta DTP'ê duh êvarê li Polît Buroya YNK'ê bi endamê Polît Buroyê û Sekreterê Gişî yê Serokê Herêma Kurdistana Federal Xusret Resul, endamên Polît Buroyê Omer Seîd Elî, Melle Bextiyar, Osman Hecî Mehmud û Kurdo Qasim re hatibû cem hev.

Ji DÎHA'yê hatiye girtin

Têbinî: Nûçeyên ku ji ajansekê hatibin girtin encax bi destûra wê ajansê dikarin li ciheke din bêne bikaranîn.