Batman
Şaredarê Batmanê Huseyîn Kalkan li ser nûçeya 'Şaredariya Batmanê dê navê Bulent Ersoy li kolanekê bike û wê vexwîne Festîvala Batmanê' got; 'Tişteke wisa nîn e.'

Di hin malper û rojnameyan de nûçeyên wekî "Şaredariya Batmanê dê navê Bulent Ersoy li kolaneke bike û Ersoy vexwîne Festîvala Batmanê" derketibûn. Li ser vê yekê Şaredarê Batmanê Huseyîn Kalkan daxuyaniyeke nivîskî weşand, ev nûçe wekî derew bi nav kir.

Kalkan wisa got: "Tu biryareke me ya ku emê navê Bulent Ersoy li kolaneke bikin û wê vexwînin Festîvalê nîn e. Ev nûçe bêyî xebera me derketine. Dema ev nûçe derketin ji ber ku ez li derveyî welat bûn min niha karî bersivê bidim."

Huseyîn Kalkan li ser gotinên Ersoy tiştên ku em dibêjin, tiştên ku hin dixwazin bînin ziman lê nawêrin bînin ziman aniye ziman û got: "Em vê hestiyariya Ersoy girîng dibînin û qîmetê didinê. Em ji hunermendê, rewşenbîr, nivîskar, siyasetmedar, rêveberên saziyên sivîl û pêşengan jî li benda helwesteke bi vî rengî ne."

Nûçeya ku "Şaredariya Batmanê dê navê Bulent Ersoy li kolanekê bike û wê vexwîne Festîvala Batmanê" di hin malperên kurdan de jî hatibû weşandin.