Diyarname

Hevserokê HDP'ê Selahattin Demîrtaş beşdarî bernameya taybet a ÎMC TV bû. Di bernameya ku Ayşegul Dogan bi rê ve bir de rojnameger Aydin Engin, Celal Başlangiç û Nazli Ilicak pirs jê kirin.

Vane hin gotinên Demîrtaş:

- Partiya me bi awayekî fermî bi sê şîrketan anket da çêkirin. Dengên me bi ser sedî 11'an re derketin.
- (li ser pirsa li cihên şer rexne li we jî têne kirin) Mirov bibêje ew rexne dikin û dê herin dengê xwe bidin partiya ku bi tang û topan guleyan dibarîne neheqiye li hemberî wan mirovan jî. Em bi xwe xwerexneyiya xwe didin, me nikarî şer rawestinîn. Ew dikarin ji me nerazîbin, lê ev partî partiya wan e. Ew deng didin xwe. Ma sibê hilbijartin çêbe hûn bawer dikin ew dê herin dengê xwe bidin AKP'ê, ma Cizîrî nizanin vê hikumetê çi anî serê wan dê herin dengê xwe bidin wan?

- Ev sal û nîv e ji bo çapemeniya mezin min dernexe ekranê hewldanek mezin heye. Kes newêre me derxe ekranê.

- Ez êdî ne bawer im ligel Erdogan maseya muzakereyê bê sazkirin.

- Ji me re dibêje 'yan alîgirê terorê be, yan alî me be, aliyê xwe hilbijêre'. Em çima neqandinek wisa bikin? Em alîgirê aştiyê ne. Em ne alî te ne, ne alî wan in, em aliyê aştiyê ne û em dibêjin bila her du alî jî çekan rawestînin. Ger ez navberê bixim navbera xwe û alî, ezê navberê bixim nava xwe û te ji ber ku yê terora dewletê lidar dixe tu yî.

- Em bibêjin we em ji meclisê avêtin, 6 mîlyon kesên ku deng dane me hûnê çi bikin?

- Ji ber ku min got bila ligel Ocalan hevdîtin bê çêkirin der barê min de fezleke çêkirin, lê dewlet bi xwe ligel Ocalan rûnişt. 
- Min gotiye pêvajoya çareseriyê bi dawî bû, axaftin min kirine dozgerekî wekî 'piştgiriya ji bo terorê' bi nav kiriye û fezleke amade kiriye. Axaftina Sirri Suryeya Onder ya li Dolmabahçeyê jî bûye sedema fezlekeyê. Wî li Amedê nameya Ocalan xwendiye, ew name ji destê Wezîrê Edaletê girtiye. Xwendina wê nameyê wekî 'Piştgiriya ji bo terorê' hatiye pênasekirin û wekî fezleke ew anîne meclisê.
- Ew dê nikaribin me bidarizînin; ewê nikaribin li gor kêfa xwe darizandinê çêbikin. Em ji girtinê natirsin, girtîgeh jî ji bo me cihê têkoşînê ye.

- Sinn Fein û ÎRA heman rêxistin bûn, yek jê baskê siyasî, yek jê yê leşkerî bû. Em û PKK ne yek in, ew rêxistinek din e, em rêxistinek din e. Me yek bana meyê bigota. Jixwe em bibêjin em wan temsîl  dikin jî ew qebûl nakin.

- Bi sedan ciwan li bodromê di dema ku li benda xilaskirinê bûn de hat şewitandin, qetilkirin. Kesê destûr neda ew bêne rizgarkirin, kesê çav ji bo vê girtin, kesê fermana vê da Davutoglu bi xwe ye. Gotina 'Davutoglu guneh e, her tişt Erdogan e' na, firsend di dest de hebe, Erdogan nebe dibe ku hê zêdetir xidarî bike ev potansiyel pêre heye. Wan bi hev re xidarî kirin.