Neşe Duzel bi Serokê TÎHV'ê Yavuz Onen re hevpeyvîneke kir. Vane kîteyên ji hevpeyvînê:
Yavuz Onen serokê TÎHV'ê (Weqfa Mafên Mirovan a Tirkiyeyê) ye û ev weqf alîkarî ji bo kesên ji îşkencereyan re derbas bûne dike. Di hevpeyvîna xwe ya bi Neşe Duzel re Yavuz Onen wisa dibêje:
- Piştî ku hikumetê êdî bala xwe neda pêvajoya Yekîtiya Ewropayê şîdet zêde bû. Di sala 2007'an de di bin çavan de û li girtîgehan 10 kes mirin, îsal di 10 mehên salê de 31 kes mirine. Mirin, sê qat zêde bûye.
- Tirkiye ev du sal e bû dewleta polîs û leşkeran. Her zagona ku polîsan xwest hikumetê derxist. Di dema AKP'ê de polîsan çewsandineke dijwar danî ser gel.
- Polîs vediguhere sazîbûneke ku çekê li hemberî muxalîfan bikar tîne. Polîsê ku ji dêvla ewlehiya kesî ewlehiya dewletê biparêze hûn nikarin pêşî lê bigirin. Ew polîs dê mirovan jî bikuje, îşkenceyê jî bike.
- Kuçe bûye wekî polîgonê. Kî li ser banga polîs nesekine teq lê dide. Wekî ku li nîşeneyê bide.
- Weqî weqif, ji sala 1990'î ve me xizmet da 11 hezar kesên ku îşkence dîtine. Rojekê ne Wezîrê Karên Hundir ne jî Wezîrê Edaletê negot ka du sê kesan bînin em binêrin mesele çi ye.
- Tirkiye di halê şer de ye, divê ev rewş cih de biguhere, bi projeyeke aştiye divê civak bigihîje nirxên însanî û demokratîk.
Ji rojnameya Tarafê hatiye girtin.