Diyarname
Li Îtalyayê ji bo alîkariye lîstikvanê navdar Maradona û Teknîk Dîrektorê Fenerbahçeyê Zico hatin hemberî hev

Li Stada Olimpiyatê ya Romayê ji bo alîkariya rehabîlîtekirina ciwanên ji nav sûcê têne derxistin maçeke hate organîzekirin. Maç ji aliyê kaptanê Romayê  Francesco Totti ve hate organîzekirin. Di maçe de lîstikvanê futbolê yê navdar Maradona, Teknîk Dîrektorê Fenerbahçeyê Zico, Teknîk Dîrektorê Romayê  Luciano Spalletti, lîstikvan Sebastiano Somma, lîstikvanê berê yên Romayê  Bruno Conti, pîlotê Formula 1 Fisichella jî lîstin.
Maç bi 6-6 wekhev bi dawî bû û Maradona ji penaltiyê goleke avêt û bi pasavêtin û lîstikvaniya xwe jî rojên xwe yên berê careke din nîşanî temaşevanan da. Di dawiyê de Maradona li sehayê çong veda û bi vî awayî silav li temaşevanên li stadê kir.
Teknîk dîrektor Zico ku 88 caran formaya Tîma Neteweyî ya Brezilyayê li xwe kiribû û bi giştî 66 gol avêtibû niha li Fenerbahçeyê ye û îsal Fenerbahçe heta çarîkfînala Lîga Şampiyonan jî bir. Zico da zanîn ku ew gelek kêfxweş e ku bi Maradonayê re dilîze û wiha got: "Ez pir kêfxweş im. Maradona êdî ji nexweşiya xwe filitiye. Hema hema di temamê maçê de lîst. Herhal ji bo futbolhezan tişteke xweş e ku wî careke din li sehayê dibînin."
Her wiha Zico piştî ku aciz bû wisa got; "Ez êdî extiyar bû. Ez 55 salî me."